Morıber
| Fotraf | |
 | |
| Şınasiye | |
| Nuştoğ | Cengiz Aslan |
| Tewır | Roman |
| Zıwan | Zazaki |
| Tarix | 2009, 2011 |
Morıber romanê do Zazakiyo ke serra 2009ıne de raver Almanya de veciya, tepeya 2011ıne, Estamol de Kardelen Yayıncılık ra veciya. Nuştekarê romani Cengiz Aslano. Kıtab be Zazakiyê (Kırmanckiyê) Xozati, fekê eşira Qerebaliyan ra nusiyao.
Romani sero
[bıvurne | çımeyi bıvurne]Dewa Xozati Tawuxı dı azebonê dewı ra Ekber teber ra mektebı waneno, a serrı rüyê siyaseti ra êno dewı dı mano. Ekber kokımonê dewı ra, jü mordemo kı destê xo malê dina ra onto, Sey Bali dı benê zê iqrari. Hurdımêna kı resenê pê, rocon’a, asmon’a qısey kenê, ebı ni qıseyon’a kunê jü dina ğeyalı, na ğeyaliye dı benê vindi.
Hatê bini ra ki zerria Ekberi kênekonê dewı ra kuna kêneka en rındekı Altunı. Ekber hatê ra kı zerria xuya belı dest dı bela kuyo ki, hatê bini ra ki serê her gamı xo erceno kê Sey Bali, nani dewı dı weşiya xo ramınê, sonê.
Rocê dewıci ko dı rastê jü morê gırşi ênê. Owo kı koli, velg, vasê dewıco ko raê, na rü ra dewı bêvengiye ra reyina ra, ko dewıco rê beno ters, tertelı kuno mıleti. Mor dewıco nêverdano ko, dewıci vênê, nêvênê, sonê hukmat, ordiyê hukmati êno, ko dı gêreno cı, mori nêvênê. Kokımê dewı xebera xo kenê jü, sonê döwrêşi, sonê Ana, vanê ‘derdê ma rê derman beki Ana bıvêno’. Ana kuna tewt, remil ercena. Kokımi lewê Ana ra kı gêrenê ya, daina tersenê...