Otto Blau

Wikipediya ra ensiklopediya xosere
Tılo bê pusula Tılo bê Geyrayışi

Otto Blau yew diplomat, ziwannas û cigêrayox o.

Cuwîyayîşê ey[bıvurne | çımey bıvurnê]

21 Nîsane 1828 de Nordhausen de ame dinya. Esilê xo Alman bi. Bajarê Leîbzîg de îlahîyat û felsefe wend. Ziwananê rojhelat ser xebetîya. Serra 1852 de ame Îstanbul. 1858 de zî Trabzon de bi konsolosê dewleta Prusya.

Xebatê ey[bıvurne | çımey bıvurnê]

Otto Blau wexto ke konsolos bi, ame welatê Dêrsim û Erzîngan. Nê gêrayişê ey de Wilhelm Strecker zî ey reyde bi.[1] Otto Blau hem yew dîplomat û hem zî etnograf bi. Welatê Dêrsim de mîyanê eşîranê zazayan de gêra û derheqê ziwan, bawerî û kulturê înan da malumat arê da. No malumatî zî neşr kerd.[2] Otto Blau hîna zaf mintiqaya Duşik (Tujik) de gêra. Derheqê eşîranê na mintiqa de malumat da arê. Dima zî şi welatê Quzîçan. Mîreyê mintiqaya Quzîçan Şêx Husênoxlî bi. Goreyê malumatê Otto Blau eşîrê mintiqaya Duşikî nê yê.

Otto Blau sewbîna derheqê bawerîyê şarê welatê Dêrsimî malumat dano. Vano şarê Duşik hemeyî qizilbaş ê. Hezretî Elî semedê înan merdimêko muhîm o. Keyeyê hezretî Elî zî zaf muhîm o. Menga Muharremî de Aşura virazenî. Menga Şewwal de zî roşanê Xidirellezî yo. Merdimê ke hetê bawerî de pîl ê, ci rê vanî seyîd.

Otto Blau wexto ke şi hetê Quzîçan uca de Wilhelm Strecker reyde ziwan ser o xebat kerd. Fekê Quzîçan ra tay çekuyî arê dayî.

Çimeyî[bıvurne | çımey bıvurnê]

"Error: no |title= specified when using {{Cite web}}". 

  1. Wilhelm Strecker, “Topographische Mittheilungen über Hocharmenien”, Zeitschrift für Allgemeine Erdkunde, Berlîn, serra 1861, r. 258-279.
  2. Otto Blau, “Nachrichten über Kurdische stämme, Mittheilungen über die Duśik-Kurden”, Zeitschrift der Deutschen Morgenländischen GesellschaftLeîbzîg, serra 1862, r. 621-627.