Pîr Sultan Abdal

Pîr Sultan Abdal (be kirmanckî: Pîr Sultan Evdal, Pîr Heyder) hozan û şaîreko namdar yê elewîyan o ke seserra 16. de ciwîyayo. Goreyo ke zanîyeno Erdebil de medrese wendo.

Çimeyanê tarîxîyan de derheqê cuya ey de malumato vêşî çin o. Cuya ey zafane Sêwas de vîyarta. Wextê padîşahê Osmanîyan Kanunî Sultan Süleyman û şahê Îranî Tahmasb I. de ciwîyayo. Seba ke terefdarê Safewîyan bîyo, hetê Xizir Paşayî ra Sêwas de darde bîyo.

Pîr Sultan Evdalî şîîranê xo de mewzûyanê sey heskerdişê Allah, Muhammed, Ali, Duyes Îmamî û Ehl-i Beytî ra behs kerdo. Heto bîn ra, şîîranê xo de ca dayo mewzûyanê cematkî û zaf cayan de neheqîyan rexne keno.