Paradoksê iradeyê serbesti

İradeyo serbest oyo ke dinan ra gore, Homay merdımi wına afernê ke wayirê iradeyê serbestiyê. Yew netice dayışê iradeyê serbesti zi oyo ke, gereke merdım qebul bıkero, merdımê ke wayirê iradeyê serbestiyê, beno ke bêedalet u xırabıni bıbê. Eke iradeyê mayo serbest mebiyêne, yew robot ra ferqê ma nêmendêne.

No mıdefa, xırabiya ke rıyê merdıman ra bena, teyna cewabê aye dano. Yew dınyaya ke tey nêweşiyê ya zii afato tebii çıniyê, eke ma tey weşiya xo bıramıtêne, u raşti ki decê ke dınya de, sebebê xoyo tek merdım bıbiyêne, o weziyet de ma şayêne vacime: iradeyo serbesto ke cı ra zafêr muhimo, xırabiye parçeyê eya, cıra nêbena. Feqet dınyaya ma, dınyaya wınasyêna ke, decê sebebanê tebiiyan zi tey estê. Afetanê tebiiyan de beno ke saetê de be hezaran kesi mırenê. Beno ke nêweşiyê pêskari be milyonan kesi sureyê do kılm de kışenê. Beno ke merdım biyayış ra be qusıran ra piya, bbe nêweşiyan ra piya yenê dınya. İradeyo serbest ninanê pêro piya ra durımê do bêelaqayo. Merdımi pêro be iradeyanê xoyê serbestan qerar bıdê ke rındi bê, anciya zi dınya de dec beno.

Fıkrê teisti ra gore cenet de qet xırabiye çıniya. Royê ke cenet de ca gênê, yew robotê? Merdımi wextê dê kılmi rê, iradeyo serbesto ke xusısiytê do zaf qıymetıno, wayirê cı benê da, merdışi ra tepeya eke şiyay cenet, ey kenê vındi?