Rastafaryanizm

Wikipediya ra ensiklopediya xosere
Xıl de pusula Xıl de cıgeyrayışi
Asayışê desmala Etiyopyao kıhan Rastafaryanan çım de mıbareko.

Rastafarianizm (ya zi Rastafari zi vaciyeno) yew dino ke imparatorê Etiyopyao peyên ra zey lacê Homay vêneno, imparatoro peyên zi Haile Selassieo ke Ras Tafari Makonnen zi vaciyeno. Marcus Garvey zi peyğamberê nê dini vêniyeno. Yew zi ne Haile ne zi Marcusi xo nêbestê nê dini. Bob Marleyi zi nê dini ra bawer kerdo.

No din hetê rıçıki ra dinanê Mısıri u Xıristiyan u Musewi kenê têmiyan. Gorey nê dini peyğamber Musay ra musnao siyahan, coka zi merdımê ke rengê postê cı siyaê, şaro mıbareko. Herrê ke Homay day Rastafaryanistan, vanê Zion. Zion zi dinê Rastafaryanistan de cenete rê vanê. Rastafaryanizmi xo miyan de yew ra vêşêr letan ra abirriyeno. Heto bin ra kılamê enê dini, pê zemani, çımey muzikê Jamaika reggae biyp.

Merdımê ke nê dini rê bawer kenê, inan rê vanê Rasta. Rasta gorey axitê kıhani ra çiyê xo wenê u şımenê. Goşt tayn wenê. Goştê xozi u çiyê tolınê ke deryay ra veciyenê, nêwenê. Alkol şımıtene zi hewl nêvêniyeno, marijuana ke esraro, zey vaşo faydeyın vêniyeno u şeno bışımiyo. Yew zi gorey inan key merdım mıreno, merdışi ra tepeya tenê xo yew parçe bıkewo bınê herre.

Rastay gıcıkê (gıjk) xo şane nêkenê, key gıcıkê (gıjk) xo benê derg, tepeya kenê Dreadlock. No zi namey yew tewrê gıcıkio. Rastay bawer kenê ke rocê Jah yenê dınya u pê nenganê xo inan gêno u kırışeno Zion. Ewro no tewrê gıcıki biyo trend. Gorey zafê Rastafan gıcıkê xo zey dinê Rastafari kerdene weş niyo, nêşeno stilê do gıcıki bo.

Linkê teberi[bıvurne | çımey bıvurnê]