Tanêro Corên

Wikipediya ra ensiklopediya xosere
Xıl de be pusula Xıl de cıgeyrayışi
Tanêro Corên
Latrans-Turkey location Tunceli.svg
Xeritaya wılayetê Tuncêliye.png
Melumat
Merkezê idareyTuncêliye
Kodê têlefoni561
Kodê postey62400

Tanêro Corên (ya zi Tanêrê Cori), sûka Zazayan Dêsım de, qezay Xozati de yew dewa.

Lawıka Şire de Tanêr[bıvurne | çımey bıvurnê]

Lawıka (Deyra) Şirê Şirê keynekê da Tanêrkıce sero vata. Şair Usên Doğanay na lawıke be na qeyde vatêne:

Şirê Şirê
Tanêri vera Şirına mı, lemınê, pulê vore
jüyê nawa Çê Oynatani de fetelina, Şirına mına çım-buri-gılore
la lao, seytan mı qurdi keno
şiaê çımo vece, ara sodıri dı bı nanê tir’a bore

erê Şirê Şirê
omeda ma Şirê
Heq kedero dae nêdo
to ma rê kerday pile
erê arday, kerday
ma va, xercê cıle!

Tanêri vera, Şirına mı, dalık o buki
cêniya hewle ke kuna mordemê koti dest
se ke malê bena, mırdar ercenê na kutıki
la lao Şire vana, oo kı dosta xo çiniya
ez mijia xo de sorğacê na pi keri !

erê Şirê Şirê
omeda ma Şire
Heq kedero dae nêdo
to ma rê kerday pile
erê arday, kerday
mı va, xercê cıle


Tanêri vera Şirına mı, bı ver mendo
kes çino xebere Sılemani do, mefındero bêro
lacê Oynatani Mardin de şiyo dızdiya bostani,
nê be pıra merdo!
erê, Şirê Şirê, nê be pıra merdo!
erê, ez ke bızani na dorğiya
Xızırê serê deryay mıradê ma newe kerdo
erê Şirê Şirê omeda ma Şirê!

Tanêri vera, Şirına mı, lêa teke
erê destê xo destê mı kı, mın o to şime mereke
ez kı to rê sa vono,
Çê Oynatani dı na veyn mekı!

Tanêri vera Şirına mı lemınê, bı hêgay
erê tey lewina, ma va, selviya vay
Şirê, ez to rê qırban keri
apê to Dursun Ağay!

erê Şirê Şirê
omeda ma Şirê
Heq kedero dae nêdo
to ma rê kerday pile
erê arday, kerday
mı va, xercê cıle


Vatoğ: Usên Doğanay
het: Tanêr-Xozat
nuştoğ: Asmêno Bêwayir