Pılemoriye
| Pılemoriye | |
|---|---|
 | |
| Melumat | |
| Tewr | Qezey Tırkiya û Qeze |
| Dewlete | Tırkiya |
| Wılayet | Mamekiye |
| Nıfus | 3 760 , 3 106 , 3 258 û 3 528 |
| Berziye | 1 650 m |
| Seate | UTC+03.00 |
| Geokod | 302469 |
| Xerita | |
 | |
| Wikidata sera bıvurne | |
Pılemoriye, fekanê binan de Pulemuriye (be Usmanıcki: قوزيجان / Kuzucan, be Tırki: Pülümür, Ermenki: Plurmorri Բլուրմոռի) qezay Dêsımia, sûka Mamekiye ra 67 km dûria. Hetê rocvetışi (şerqi) de Çolig(Bingol), zımey (şımali) de Erzıngan, veroci (cenubi) de qezay Nazmiya û rocawani (ğerbi) de qezay Pulur/Vacuğe estê.
Namey Pılemoriye wıni (heni) aseno ke Ermenki (ê rocawani) ra yeno: plur բլուր "tum, tepe" (Namey qezay Puluri zi na çekuye ra yeno) û morri մոռի "dırrıka siae", yanê "tumê dırrıka siyaye". Tayinan çım de Pılemoriye Zazaki Pulê Muriye ra yeno; her çıqas ke mumkıno wıni (heni) zi bo, labelê bes delil çıniyo, feqet be qenat kokê kelımanê "plur" û "morri" Ermenkiyo.
Şarê Pılemoriye hema hema pêro Elewiyê û Zazaki qısey kenê, 2-3 dewan de Tırki zi qısey beno.
Reqımê Pılemoriye 1650 metreyo. Pılemuriye de zaf koyê berzi estê. Ninan ra...
- Bağıre (Tırki: Bağır Paşa Dağı, 3287 m)
- Koyê Mercani (Tırki: Mercan Dağları 3000 m.)
- Koyê Muzıri (Tırki: Munzur Dağı)
Pılemoriye de zaf çhem û çımey hêniyan estê. Nê çheman ra...
- Çhemê Pılemuriye (Tırki: Pülümür Çayı)
- Çhemê Qeregoli (Tırki: Karagöl Çayı)
- Çhemê Perginiye (Tırki: Kırklar Çayı)
- Awa Çekemi (Tırki: Çekem Suyu)
- Awa Aşkirege (Tırki: Kocatepe Suyu)
Namey çımey hêniyan ki nêyê:
- Tekepınarı (dewa Gobırge de)
- Beyaz Su (dewa Qeregol'i de)
- Hêniyo Pil (dewa Şêneke de)
- Sıtmapınar (mala Gomu de)
- Bent Çeşmesi ( dewa Mazra Sılêmanu de)
- Bağır Çeşmesi (dewa Pêrginiye de)
- Çewres çıme (nahiya Seteriye, Wareyanê Bêbıni (Bêvın) de)
- Karagöz Çeşmesi (dewa Gurk'i de)
Qezay Pılemoriye de merkez ra piya panc nahiyey estê. Namey nê nahiyan nayo:
Tabii ke nê nahiyan de ki zaf dewi û mezrey estê. Namey nê dewan û mezran zi nayo:
Dewê Pılemoriye
[bıvurne | çımeyi bıvurne]|
Merkez |
Nıfus
[bıvurne | çımeyi bıvurne]| Amarê nıfus | 3528 | 3258 | 3106 | 3760 |
| 2014 | 2015 | 2016 | 2018 |
Gıreyê teberi
[bıvurne | çımeyi bıvurne]- Qezê Pılemoriye
- Dewê ma Archived 2007-01-09 at the Wayback Machine
Çıme
[bıvurne | çımeyi bıvurne] |
Arşivê Embarê Wikimedya de heqa Pılemoriye de vêşêri multimedya esta. |