Tarixê tıbi

Wikipediya ra ensiklopediya xosere
Jump to navigation Jump to search

Tarixê tıbi tıb be xo hetê vêrde ra be veciyayışê merdıman ra nat resayo. Tıbi sero raver Mısıro Antik u Babil de merdıman kar kerdo. İnan ra tepeya Çin, İran u Yunanıstano Antik de zi doktori weşiya xo ramıta. O taw doktoran ca be ca geyrêne, merdımê nêweşi hewl kerdêne. Enê doktoran zana nêbiy, be vaş u vılıkan karê xo kerdêne. Heta Hipokrat tıb rayê xo sero nêronışto, raya xo nêdiya. İV seserra pancıne de (5.) Hipokrat tıbo çımkerdışên vıraşto, oyo vıraştoğê cıyo u wına vêniyeno. Hipokrat ra ver doktoran hewlkerdış u cıgeyrayışanê xo de çımkerdışan ra ca nêkerdo. Hipokrat tıb rayê xo sero ronışno, ca eşto cı. O zeman ra pey heta İbni Sina kıtabê Hipkrati waniyay, tıbê ey keriyay. Ey ra tepeya İbni Sina ke kıtabê xo El-Kanun fit-Tıbb nuşto, tıbi rê keybero newe a kerdo. Eno kıtab panc kıtabê qıteki ra nusiyayo. Ey ra pey zi sesserra 19ıne ra pey merdıman tıbo modern vıraşto, be rayanê şınasiyênan başle kerdê ke tıb kerê.