Wereqa ibn Newfel

Wikipediya, ensiklopediya xosere ra
Xıl de be pusula Xıl de cıgeyrayışi
Wereqa ibn Newfel
Melumato şexsi
Cınsiyet Camêrd
Cay biyayışi Meka
Biyayış SeserraVI
Merdış Verê
Cay merdışi Meka
Gırwe Musnaoğ u Hakım
İtıqad Hanif
Şariye Erebi


Varaka ibn Newfel ibn Esad ibn Ebd-el-Uzza ibn Qusey El-Qureyşi (Erebki de: ورقه بن نوفل بن أسد بن عبد العزّى بن قصي القرشي) kuzenê cêniya Mıhemmed Xeticayo. Waraka suka Medine de jew rahibo Nasturi u waiz biyo. Waraka Tevrat u İncil zanayêno u ninan zuanê Erebki rê tercume kerdo. Mıhemmed u Xetica miyan de veyve/zewec de ser biyo. Gorey referansê klasiki ra wexto ke Mıhemmed Xetica vato ki o vehy grewto, Xetica ey Waraka berda u waziyet Waraka qal kerda. Waraka vateyê/qısey Mıhemmedi rê goşdar biyo u vato ki Mıhemmed jew peyğembero.[1] Qıseykerdışê Mıhemmed, Xetica u Waraka ra zaf kılm zeman ra peyni Waraka merdo. Mergê Warakay ra peyni wehyi seba/qandê/semedê 40 (çewres) roci bırniyaê. Eni 40 rocan ra İslam de İnkıta-ı Vahy vaciyeno. Heqa Waraka de werênayış (tartışma) zaf esto. Vaciyeno ki Waraka peyğembero İslam Mıhemmed rê dini musnayo u eno musyanışê rıstımê Qurane biyo.[2] Alımê İslami u Qurane[3] eno idday qebul nêkeni. Waraka camerdiya dini ra bin jew şair zi biyo. Tayê şiiranê Waraka heta ınka amey. Cêr de tayê şıiranê Waraka ra jew şıir esto[4][5] :

  • Mı tayê merduman rê nesihet kerd u vat
  • Ez ikazkerdoğo, sakın kamse şıma mexapto
  • Vıraştoğê şıma ra bin Homa rê bawer/inam mekerên
  • Eke ê şıma eno rê wazıni, vacên Ma u şıma miyan de engel esto
  • Ma wayirê asmêni (arş) ra tesbih kenime u ey rê qul beno
  • Deha ver koyanê Cudi u Cumud ey rê tesbih kerdo
  • Binê kubbey asmêni de her çi ey rê hizmet keno
  • Hiç teni ey rê nêşeno firar bıkero u şo
  • Her çiyê ke ma vınime, berqiya cı bipeyni niyo
  • Homa bipeyniyo, mal/mülk u evlat beni helaq
  • Xurmuz rê hazineyanê ho fayda nêkerdo
  • Qewmê Adi zi kar kerdo ema ê bipeyni bêbiyê
  • Sılêman zi, heme şaran/mıletan
  • Halê binê emrê cı de merdumi u cini

Referansi[bıvurne | çımeyi bıvurne]

  1. İbni Hişam, Sîre: 1/254; İbni Kesîr, Sîre: 1/404
  2. http://www.islamic-awareness.org/Quran/Sources/BBwaraqa.html
  3. Nahl Suresi, 103. ayet
  4. http://dergi.ilahiyat.omu.edu.tr/Makaleler/1560393703_200519090107.pdf
  5. http://dergi.ilahiyat.omu.edu.tr/Makaleler/1560393703_200519090107.pdf