Zemano peyên

Wikipediya ra ensiklopediya xosere
Xıl de pusula Xıl de cıgeyrayışi

Zemano peyên ya zi axir zeman (pê zuanê Farski: پایان زمان; payān zamān) taê din u baweran de, zemano ke verê roca peyêne de esto cı rê vaciyen. Pê arezey kılmi rocê cihaniê peyêni. Eskatolociye de eno konsept deha beno hera u vaciyeno ki zemano peyên yeno arezey peyniya heme kainato. Dinê İbrahimi de zemano peyên de pêro xırabiye esta, ceng esto u dıma ra merduman sero weşiye yena. Hinduizmi de Vişnu pê jü estoro sıpê ra enkarnasyono peyên vırazeno u yeno; Kali Yuga rê peyniye dano. Budizmi de Buda vano ki dıma merdışê cı, dıma 5000 (ponc hınzar) serri, heme doktrinê xo pêro vira beno u dıma anarşiye yena. Jü merdumo ke namê xo Maitreyao vecino u doktrinê Buday newe ra vırazeno. Dıma "Hewt ticiu" peyniya dınya yena, dınya bena xırabe. Cıhudiye de zemano peyên de heme Cıhudan beno yew, yeno te lewe, Mesih yeno war, kamê ke merdê newe ra gani benê u cuwiyayışê cenet u canemi dest keno pê. Xıristiyaniye u İslam de zi ani nuştey estê ke vanê zemanê peyêni de pêro xırabiye esta.