Abdullah Gül, serekcumhurê dewleta Tırkiyawo 11. (yewendes /des u jûyın)o. Serra 1950i de Qeyseriye de amo riyê dınya. Qeyseriye de Lisa Qeyseriye qedêna. O ra dıme şiyo Universıta Estamoli u uca Fakulta İqtısadi de wendo. Eyni mekteb de doktora xo kerda u doçentine gırewta.
Mabênê serranê 1983 u 1991ine de Banqa Xoseramayena İslami de guriyo. Serra 1991i de be Partiya Refahi ra kewto meclıs. Zu are destekê serekina partiye biyo. Serra 2002y de biyo serekwezirê Tırkiyao 58. (phancas u heştın). O ra dıme ki serra 2007ine de biyo serekcumhurê Tırkiya.
