Ahmet Kaya
| Ahmet Kaya | |
|---|---|
 | |
| Melumato şexsi | |
| Dewlete | Tırkiya |
| Cınsiyet | Camêrd |
| Cayê biyayışi | Meletiye |
| Biyayış | |
| Merdış | (Mezelgahê Père Lachaise de merdo) |
| Cayê merdışi | Paris(Krizê qelbi ra merd) |
| Gure | Muzisyen, bestekar, Şair û Muzisyen |
| Zıwani | Tırki |
| Enstrumanê cınıtışi | Saz û Vokal |
| Keyepele | www.ahmetkaya.com |
Ahmet Kaya (b. 28 Tışrino Verên 1957, Meletiye - m. 16 Tışrino Peyên 2000, Paris) yew senatkaro Kurd bi. Serranê 1980 be 1990i de zaf albumi vıraştê u vetê piyasa. Kasetê kılamanê xo zafêri protesto bi. No ri ra, ê serran de zaf biyo namdar.
Serra 1957ıne de Meletiye de ame riyê dınya. Piyê xo Kurd biyo. Piyê xo fabrika mensucati de xebetiyao. Ahmeti mektebo verên Meletiye de wendo. Hona ke 6 serri de biyo, piyê xo cı rê themburê gureto, thembur kerdo xelata lacê xo.
O zi hetê ra şiyo mekteb, hetê ra zi dukanê plakan de gırweyo. Hetê ekonomiye ra weziyetê keyey xo zaf xırabın biyo, no ri ra keyê xo bar kerdo, ameyo Estanbol. O zi karanê perakendan de gırweyo. Yew are riyê afiş-dardekerdene ra mapus de kewto ra. Mapus ra dıme meşkê xo esto themburi ser. Ebe embazanê xo thembur cınıto. Yew are Ruhi Su şınasiyo (nas kerdo), yewbini nas kerdo. Şiyo eskeriya xo kerda, key ke peyser ameyo, o taw Emine Kayaye de zeweciyo.
Karê xoyo profesyonelo verên[bıvurne | çımeyi bıvurne]
Riyê karnêdiyene ra bêpereyine ra zaf anceno, beno pêrsan u zaf zeberino. O are cênıka xo zi bena ciya, ey ca verdana.
Xeylê zehmet ra dıme zu album veceno. Namey albumê xo Ağlama bebeğim (meberme pıtê mı) beno. Ey ra dıme Acılara tutunmak (decan ra zeleqiyaene) veceno. Wayirê stüdyoy bıray Selda Bağcane beno. Yew are bıray Selda Bağcane zi mapus de kewto ra. Uca de Gülten Hayaloğluye nas kerda. Gültene be Ahmeti yewbini nas kenê. Album ra dıme zeweciyenê.
Wexto ke Gülten Hayaloğluye mapus de biya, Nevzat Çelik zi mapus de biyo. Nevzat Çeliki yew şıira rındeke nuşta. Gültene a şıire gêna, bena dana Ahmeti. Ahmet zi a şıire ra kılama Şafak türküsü (kılama şewdıri/deyira şefaqi) vırazeno. Key ke no qeyd veciyeno piyasa, zaf veng veciyeno. Ahmet nê ra dıme zaf beno namdar.
Diskografiye[bıvurne | çımeyi bıvurne]
Albumê cı[bıvurne | çımeyi bıvurne]
- Ağlama Bebeğim (Meberme phıtê mı, 1985)
- Acılara Tutunmak (Decan ra zeleqiyaene, 1985)
- An Gelir (Saete yena, 1986)
- Şafak Türküsü (Kılama Feciri, 1986)
- Yorgun Demokrat (Demokrato qefeliyae, 1987)
- Başkaldırıyorum (Sere danan we, 1988)
- Resitaller-1 (Rêsitali-1, 1989)
- İyimser Bir Gül (Jû gula rındvênoğe, 1989)
- Resitaller-2 (Rêsitali-2, 1990)
- Sevgi Duvarı (Dêsê Hezkerdene, 1990)
- Başım Belada (Serê mı bela dero, 1991)
- Dokunma Yanarsın (Dest pıra mene veşenê/veşenay, 1992)
- Tedirgin (bêzar) (1993)
- Şarkılarım Dağlara (Lawıkê mı koan rê, 1994)
- Beni Bul (Mı bıvêne, 1995)
- Yıldızlar ve Yakamoz (Estarey u Yakamoz, 1996)
- Dosta Düşmana Karşı (Verbe dost u dışmeni, 1998)
- Hoşçakalın Gözüm (Xatır be şıma, delalê mı, 2001)
- Dinle Sevgili Ülkem (Goş de welatê mıno delal, 2002 Xovirardış)
- Biraz da Sen Ağla (Tenê ki tı bıberme, 2003)
- Kalsın Benim Davam (Deway mı vındero, 2005)
- Gözlerim Bin Yaşında (Çımê mı hezar serriyê, 2006)
| |||||||||||