Wikipediya ra, ensiklopediya xoserı
Facebook (bıwane: feysbuk) yew sitey internetiyo ke insani tede şikinê embazanê xo de irtibat kuyê u yewbini ra xeberdar bê. 4 Gucige 2004 de hetê wendekarê Universıtey Harvardi Mark Zuckerberg'i ra serba wendekaranê Universıtey Harvardi ama ronayiş. Bado mektebê dormey Boston'i ki kewti Facebook, mabênê dı aşman de mektebê ke "Ligê Ivy" derê kewti şebekey Facebooki. Abiyayişê Facebooki ra yew serre dıma heme mektebê ke Amerika derê kewti Facebook. Ezay raver teyna be adresanê e-mail'anê mektebanê xo (.edu uçb) şikiyêne bıbê eza. Bado tayê lisey u şirketê gırdi ki kewti miyanê şebekey Facebooki. Roca 11 Payizê Verêni 2006 de facebook heme adresanê e-mail'an rê ebe tayê şertanê cıkewtışi (domanan rê tometo) bi a. Karberi şikinê ke şebekeyanê ke wazenê zey liseyan, universiteyan, cayanê guriyayışi, şirketan kuyê.
Facebook, aşma Payizê Wertêni 2007 ra hata nıka ebe nezdiyê 35 milyon ezayanê xo, gorey istatistikanê Alexa, websiteyo 7yino ke dinya de tewr zêde yeno cıkewtış. Facebook, Kanada, Afrika Veroci u Norweç de 1in; Britanya u İsweç de 2yin; Mısır u Panama de 3yin, Dewletê Amerikaê Yewbiyaey, Awustralya u Tırkiya de websiteyo 5ino ke tewr zêde yeno cıkewtene.
Facebook namey xo "paper facebooks" ra gêno. No form universiteyanê Amerika de serba wendekaran, maylıman (muskaran) u emegdaranê mektebe yeno pırr kerdış.
|
|
