Semed Behrengi
Semed Behrengi, serra 1938i de dewa de Azerbaycanê İrani de ame dınya. O ve xo, maylim (malım, muskar) bi. Mordemo de roştber u newedar bi. Ey cem u cematê qomi zaf rew nas u doz kerd. Raştiya İrani domanu rê eve hêkat u sanıku arde ra zon. Ni hêkat u sanıkê dey, çıxaşi ke domanu rê nuşiyê, pili ki cı ra xeylê çi musenê.
Semed Behrengi, lewê ma u piyê xo de, wertê feqırêni u zarêni de rest ra. O xeylê rew şi ser ke, qederê xo ve yê qomunê bındestu jüyo. Coka ey wast ke, çiyo ke o rew hayrê cı biyo, sarê dormê u qomunê binu rê eskera kero. Na rivat ra belay serê dey sero kemi nêbi.
Semed Behrengi hêkat u sanıkunê xo de na raştiye hewl arde ra zon. Coka dewrê şahi de namê xo "ziyankariye" rê vejiya. Serra 1968i de werte ra kerd vind. Bado, meytê dey zımê İrani de, fekê Çhemê Arasi de vêniya.
Kıtabanê ey ra Jü Şêftaliye Hazar Şêftali, hetê Hawar Tornêcengi ra çarniya a zonê Zazaki, hetê Vejiyaişê Tiji ra 2001 de Estamol de çap bi.
