Küliye

Wikipediya, ensiklopediya xosere ra
(Çüliye ra ame ardış)
Küliye
Resım
Melumat
Merkezê idareyi Tuncêliye
Çiyo bin
Kodê têlefoni 0428
Xerita

Küliye ya zi Çüliye (be Tırki: Küllü) qezay Dêrsımi Pılemoriye de yew dewa nahiyay Usdamiya, Pılemoriye ra hetê rocvetış (rocakewtene, şerq) ser kewna (kuna). Dewe Pılemoriye ra 50 km, merkezê Mamekiye ra 150 km dûriya. Şarê dewe leteyo zêde eşira Balabanan ra ezbeta Sılêmanan rao, wextê wextan da dewa Mazra Sılêmanu ra şiyê, Çüliye kerda şêne. Eşira Khurêşan ra zi keyey estê. Şarê dewe Zazayê Elewiyê u Zazakiyê zımey qısey kenê.

Tarix[bıvurne | çımeyi bıvurne]

Namey dewe kamci zıwan ra yeno, nêzaniyeno, beno ke Ermenki ya zi Zazaki bo. Vatena şarê dewa Çüliye ra:

"Mazra Sılêmanu ra khalıkê ma, Hesen Ali qıcanê xo ra piya ameyo Çüliye: Ali, Murteza (no khalıkê şarê Gomê Surano), Bal (2 keyneyê xo biyê) yew zi Hesen gênc merdo. Ali çolax biyo, kalıkê Çolaxano. Se ke amey, Ermeniyi şi bi. Ali timar biyo, her serre amêyene 3 ya zi 4 qulpê zerrni gırewtêne Ermeniyan ra. Rocê yeno ke Ermeniyi şiyê. 80 keye biyo uca, yew zi kilisa inan biyo. 1829 Urus be Osmanıcan ceng kerdo. Urus xeylê ca gırewti bi. 1830 miyanê Osmanıcan be Uruşi pêameyış (aştiye) beno, Urus peyser şıno. Ema xeylê Ermeniyi inan de şınê. Des hezar Ermeniyo tersanê xo ra şınê. Dewi benê veng. O sıro khalıkê ma yeno, beno wayirê Çüliye. Ema qe kes tey cino. Çareku yenê ke yew parçe bıgêrê (bıjêrê), ama dedê (apê) ma Murteza xırt biyo, ca inan ra gêno. O sıro khalıkê ma yew şıwane gêno lewê xo, namey ey zi Qer biyo, Xınıs ra biyo. Namey mezra Çüliye pêro zıwanê Ermeniyano: Goncıku: „tepeyo qıc“; Sose – „bırr“."

Mezrey[bıvurne | çımeyi bıvurne]

Mezrê dewa Çüliye nêyê:

  1. Gonçıku
  2. Sose
  3. Çamırre
  4. Qerku

Fotogaleriya Çüliye[bıvurne | çımeyi bıvurne]