Şablon:Pela Seri/Nuşte2

Wikipediya ra ensiklopediya xosere
Xıl de be pusula Xıl de cıgeyrayışi
Vate-logo.jpg

Çapxaney Vatey serra 2003yıne de Estamol de niyayo ro.

Grubê Xebetê Vatey dest be weşenayışê Kovara Vatey amnanê 1997ıne de Swêd de kerd, labelê Çapxaney Vatey serra 2003yıne de Estamol de seba ke qeraranê nê grubi xo rê zey siyasetê weşenayışi bıgêro u be no qeyde kıtabanê Zazaki çap bıkero, be namey nê grubi u Pêseroka Vatey ame sazkerdene u 2003yıne ra nat kıtab u pêserokanê xo Estamol ra keno vıla. Çapxane de serra 2003yıne ra hetan ewro hirıs u yew kıtab u des amarê Pêseroka Vatey çap biyê.

Grubê Xebetê Vatey tebaxê 1996ıne de paytextê Swêdi Stockholm de awan bi u derheqê Zazaki de hetan ewro 15 pêserameyışi welatanê Swêd, Almanya u Tırkiya de vıraşti. Ezaê Vatey Zazaanê ke be Zazaki nusenê u mıntıqayanê cia-ciayan ra yenê pêser. Armancê grubi standardizekerdışê Zazakiyo.

Hetê nê grubi ra semedê vıraştışê yew Zazakiyê standardi ra xeylê qerari amey gırewtene: Pêserameyışanê Grubê Xebetê Vatey de, ezay hetê term u çekuyan, hetê ra ki qeydeyanê raştnuştışê Zazaki sero vınderti u ê kıtab u pêserokan de neşr kerdi. Pêserameyışê verêni 2-4ê tebaxê 1996ine de Stockholm de biy. Raa verêne, pêserameyışê xoyê 15ine temmuza 2007ine de Diyarbekır de ame vıraştene. Wesarê 2008ine de ki, Vate yew büroê xo Diyarbekır de kerd ra. Ewro, Vate endi Tırkiya ra çapkerdışê xo dewam keno. (dewamê cı...)