Cınayetê Özgecan Aslane
| Cınayetê Özgecan Aslane | |
|---|---|
 | |
| Melumato şexsi | |
| Dewlete | Tırkiya |
| Cınsiyet | Cêniye |
| Cayê biyayışi | Mersin |
| Biyayış | |
| Merdış | (Mersin Interfaith Cemetery de merdo) |
| Cayê merdışi | Tarsus |
| Gure | University student |
| Zıwani | Tırki |
Özgecan Aslane telebiyê da Dêsımıce biye, sûka Mersini – Tarsus de weşiya xo ramıtêne, Universıtey Çaği, qısımê psikolociye de telebiya (şagırda) sınıfê 1ıne biye. Eke roca çarşemiye (11.02.2015) keyey cı nêreşto cı, şiyo, pers visto polisi ra. A şewe polis geyrao Özgecane, labelê rocê aver sande, şoferê minibusi Suphi A. (26), oyo ke mabeynê Edeney u Mersini de raywanan ano, beno, nuqtey cenderman de vınderdo, cı ra raye pers kerda. Eke minibusi raya hetê geme gırewta, cenderman egle kerdo, tey kerdo saye (vısto werê). Minibus de piyê Suphi Necmettin A. (50) u Fatih G. (20) ki tey biyê. Eke rêça goni diya, inan cenderman ra vato, raywanan miyanê xo de da pêro, uca ra menda. Nae sero ê 3 şıkkerdey serbest verdaê ra. Özgecan Aslana Dêsımıce hetê ulkiçiyan ra kışiyê u amê veşnayene. Telebiya (şagırda) universıtey Özgecan Aslana Dêsımıca vist serriya ke hirê roci vındibiyaiye biye, ailey xo ro cı geyraêne; meytê ae yew dere de vêniya ke ameo veşnayene. Dı qatılê ulkiçiyê (mefkurekari) ke pê gêriyay (tepışiyay), cı ra tepeya qatılê hirêyino ke firar bi, o zi ena şewe pê gêriya.
Eke melumatê vındibiyayışê Özgecan Aslane reşto cenderman, inan reyna minibus kerdo saye, tede şapqay keyneke diya. Piyê Özgecane Memedi sapqay keynay xo nas kerda (şınasnawa). Eke hına vato, Necmettin A. u Fatih G.o ke antê sorği–sual ver, inan nao ro xo ke keyneka qıce kardi kerda, meytê ae zi benzin verdao ra ser, veşnao, tepeya zi dewa Çamalani de, nezdiyê mezelxaney Almanan de eşto heruna Derey Cini. Cao ke inan moto (musnao) cı, meytê do veşaye vêniyao. İfadawa ke şıkkerdeyan dawa, cı ra gore Özgecane nışta ro minibusê Suphi A., embaza awa ke Tarsus de nışena ro, uca ameya war, Özgecane tek raywane (yolçiye) menda. Şofer Suphi A. ke raya siyae D-400 de raya xo vurnawa, Özgecane ke şık berdo cı, şoferi de nao werê. Eke minibus cao isız de vındarnao, xo cerrebnao pıro, Özgecane qazê biberi veto, ver kerdo a cı ke ro xo bıpawo. Sureo ke Özgecane eşto ra xo ver, riyê Suphi A. pencurrık kerdo; Suphi A. zi kardi veta, têdıma kerda keyneke de. Dıma ey çıweo asınên gırewto, dao keyneke ro, pê kışta. Tepeya meyt ra piya geyrao ra Tarsus ser, piyê xo Necmettin u Fatih G. ra peşti waşta. Ê ke ameyê, piya meyt berdo, veşnao, eşto Derey Cini.
Anadoliye de zi, Ewropa de zi ena kıştena bêbexte sero mıleto be goni u ğiret zaf qehriya, peyser perra, mitingi vıraşti, medya sosyale de ena xebere her ca ra biye vıla.