Farsi ya zi Parsi, (be Farski: فارسی) Rocvetışê Miyani de yew etniko İrankiyo. Farsi Cumhuriyettê İraniyo İslami de nıfuso tewr gırd (%64) vırazenê. Çekuya Farsi hetê vateşınasiye (etimolociye) ra rıçıkê (kok) Persi ra yeno. Na çekuye be tesirê Erebki halê Farsi ra çarniye; çınkê Erebki de herfa pe çıniya u Pars zey Farsi vaciyao. Tarixê dewleta Farsan be şeklê Ahamenişi, Part u Sasaniyan heta 2550 serri ver reseno. Zıwanê Farsan Farski yew zıwanê Hind-Ewropao. Zafamar de şair u alimê Farsan mewcudê êyê ke muhimê tarixiyê.
