Ferxunde

Ferxunde Melıkzade^[1] (فرخنده ملک زاده) namê keyneka ke tarixê Adare 15, 2015 de sûka Kabili de terefê merduman ra kışiyaya, linç biya. Ferxunde, Camiya Şa du Şemşıra ver de be yew mıleyi ra werênayış kerdo, dıma werênayışi tayê merduman aye sero iftıra eşta, û inan vato ke Ferxunde Qurane vêşna. Merdumi be psikolociya naxıran aver şiyê û a linç kerda. Cayo ke tede Ferxunde qetl biya, polisi zi ameyê, ema inan çiyê nêkerdo, ê teyna vındertê û pawıtê.^[2]

Ferxunde, mekteb de İslami sero musaya. Efğanıstan de çiyê ke raşt niyê û batılê zaf biyê zey turbeyan rê şiyayış, çer û çaput û musqa vıraştene. Verê camiye de yew mıleyi musqa vıraşta û Ferxunde ey rê vato ke musqavıraştış din miyan de çıniya. Dıme, mıle baciya û aye rê iftıra eşta ke Ferxunde Qurane vêşna. Merduman Ferxunde uca de linç kerda, aye sero zopa û çiyê bini eştê, wucıdê aye rê paynayê. Riyê Ferxunde pêro goyni miyan de mendo. Ferxunde uca de merda. Merdumi bedenê Ferxunde sero benzin kerdo ro û inan bedenê aye veşno. Enê hediseyê xofıni ra dime, vist teni çımbıni rê gêriyayê.^[3]

Kesê ke Ferxunde linç kerda, 4ê (çeharê) inan cezaya idamkerdışi gırewta.^[4]^[5] 8ê inan zi des û şeş serri (16) ceza gırewta.^[6] Polisê ke cayo ke Ferxunde tede linç biya, uca vındertê, mehkeme inan rê cezaya hepıskerdışi daya.^[7]

Referansi

↑ http://www.aljazeera.com/news/2015/04/afghan-farkhunda-family-demands-justice-150402201946987.html%7Ctitle=Family Archived 2016-03-08 at the Wayback Machine of Afghan woman lynched by mob demands justice|date=2 Apr 2015|work=AlJazeera}}
↑ http://www.bbc.co.uk/turkce/haberler/2015/03/150325_afganistan_izlenim
↑ http://www.cumhuriyet.com.tr/haber/dunya/234107/Linc_edilen_Afgan_kadinin_tabutunu_kadinlar_tasidi.html
↑ http://www.bbc.co.uk/turkce/haberler/2015/05/150506_ferhunde_linc_zanlilari
↑ http://tr.euronews.com/2015/05/06/ferhunde-yi-olduren-4-afgan-saniga-idam-cezasi
↑ http://www.radikal.com.tr/dunya/ferhundeyi_linc_eden_dort_kisiye_idam_cezasi-1350608
↑ http://haber.sol.org.tr/dunya/kuran-yakmakla-suclanan-kadini-korumayan-11-afgan-polis-hapsedildi-117047

[1] ttp://www.aljazeera.com/news/2015/04/afghan-farkhunda-family-demands-justice-150402201946987.html%7Ctitle=Family Archived 2016-03-08 at the Wayback Machine of Afghan woman lynched by mob demands justice|date=2 Apr 2015|work=AlJazeera}}

[2] ttp://www.bbc.co.uk/turkce/haberler/2015/03/150325_afganistan_izlenim

[3] ttp://www.cumhuriyet.com.tr/haber/dunya/234107/Linc_edilen_Afgan_kadinin_tabutunu_kadinlar_tasidi.html

[4] ttp://www.bbc.co.uk/turkce/haberler/2015/05/150506_ferhunde_linc_zanlilari

[5] ttp://tr.euronews.com/2015/05/06/ferhunde-yi-olduren-4-afgan-saniga-idam-cezasi

[6] ttp://www.radikal.com.tr/dunya/ferhundeyi_linc_eden_dort_kisiye_idam_cezasi-1350608

[7] ttp://haber.sol.org.tr/dunya/kuran-yakmakla-suclanan-kadini-korumayan-11-afgan-polis-hapsedildi-117047

[1]

[2]

[3]

[4]

[5]

[6]

[7]