Ravêr zerreki

Hedisey new zabıtan

Wikipediya, ensiklopediya xosere ra

Hedisey new zabıtan (Tırki: Dokuz Subay Olayı), yew hedisey serranê 1957-1958io ke new zabıti iday komplovıraştışi ra gêriyay zerre u persenayış sero vıraziyao.

Partiya Demokratike (PD) ke iktıdar vısto xo dest, eno ra tepeya grubê zabıtan bınê desti ra organizasyonê do nımıte vıraşto. Zerrey ena grube de gruba Estanboli ra namey Faruk Güventürk, Ata Tan, Hasan Sabuncu, Samet Kuşçu ixbar biy. Eno ixbar pê destê wayirê Rocnamey Eskpresê Estanboli u qomutanê merkezio kıhan Kazım Demirkani vıraziyao. İxbar de vaciyao ke grubê eskeran waştêne ke hukmati bêro cêr u semedê ney yew organizasyon vıraşto.

No ixbar ra tepey Kuşku gêriyao bınê çım, persenayış vıraziyao, veciyao ke delilo kemi biyo, be tewsiya Demirkani wıni qerar ameo dayış ke Kuşçu pê embazê xo İlhami Barut ke zerrey grube de ca gırewto qal do kero u wıni miyan bêro veciyayış. Hema no plan kar nêkerdo, Baruti çi nêvato.

Kuşçuy dıme ra namey İlhami Barut, Kazım Özfırat, Faruk Güventürk, Asım Ural, Naci Aşkun, Ata Tan, Hasan Sabuncu u Cemal Yıldırımi day cı, nê merdımi 1957 de tepışiyay, gêriyay zerre. Persenayışi şeş aşmi gırewti, heşt zabıti berat kerdo, Kuşçu zi dı serre cezay zerrey gırewta.

No hedise ra tepeya ena grube ke hirê serre faliyet motêne, biy zeyıf u peyni diya. Ezaê grube zi grube ra abıriyyay.[1]

Referansi[bıvurne | çımeyi bıvurne]