Homo naledi

Wikipediya, ensiklopediya xosere ra
Xıl de be pusula Xıl de cıgeyrayışi
İskeletê Homo naledi.

Homo naledi oyo ke cınsê merdumiê do verênio ke Verocê Afrika de zanayan diyo. Wucıdê xo zey merdumê ewroyêni vêniyao, qamey xo zi merdumê ewroyêni ra kılmek vêniyao. Homo naledi be morfolociya xo serra 2015ıne de kewto lista cınsanê merduman. Anatomiya iskeletê xo, xısusiyetê homininan mocnena. Fosilê homo naledi, heta nıka nêtarixiyao, hema fıkıriyeno ke 2,5 - 3 milyon serran ra veri, no merdum deştanê verocê Afrika de weşiya xo ramıtêne.[1]

Destê cı asenê.
Payê cı asenê.

Berziya Homo naledi se u pancas (150) santimetrey u gıraniya cı zi çewres u panc (45) kilograma.[2] Merdumê ke Homo naledi bınê hardi ra veto, inan vato ke mezgê cı zey porteqalo, asayışê cı zey piyê merdumiê kıhani ra aseno, feqet karakterê cı zey merdumê rocani asenê. Heto bin ra zi dest u payê xo şanayış u gureynayışê xo ma ra (homo sapiens) nezdiyo, vaciyao. Profesorê Universıtey Johanneburgi Lee Berger vato ke ez memnuniyet eşnawnenan ke şıma rê piyê merdumiê verêni mocnenan u iskeletê Homo naledi mocno ra merduman.[3]

Namê xo kamca ra yeno? Profesor qalkerdışê xo rê ilawe kerdo ke keşfê Homo naledi, gurenayışê ma rê raşta peşti kerdo. Şarê verocê Afrika zi profesor u ekibê xo rê desteg dao. Sebebê destegnayışê şari ra, iskeleti rê namê Homo naledi dao. Homo (merdum) u Naledi oyo ke arezey xo “astare”yo. Naledi zi zıwanê şarê Sesotho ra yeno.

Homo naledi ra ver, fıkıriyao ke merdış ra dıme rituelê mezele tenya Homo sapiens de ca gırewto, hema ewro musiyao ke rituelê mezel u merdey insananê ewroyêni ra ver zi asayê.[4] Homo naledi, zey merdumi deşt u bırran de çiyê seyd kerdêne u dıma werdêne. Merg ra dıme zi rituelê merdey vıraştêne.

Bıvênên[bıvurne | çımeyi bıvurne]

Referansi[bıvurne | çımeyi bıvurne]

  1. http://elifesciences.org/content/4/e09560.full
  2. http://linetv.com.tr/insanin-atasina-yeni-bir-tur-eklendi-homo-naledi/
  3. http://www.brtk.net/homo-naledi/
  4. http://www.brtk.net/homo-naledi