Jules Bianchi
| Jules Bianchi | |
|---|---|
 | |
| Melumato şexsi | |
| Dewlete | Fransa |
| Cınsiyet | Camêrd |
| Cayê biyayışi | Nice |
| Biyayış | |
| Merdış | (Nice de merdo) |
| Cayê merdışi | Nice(Diffuse axonal injury ra merd) |
| Gure | Ramıtoğê otomobilanê têvereştışi û Formula One driver |
| Zıwani | Fransızki |
Jules Bianchi (b. 3 Tebaxe 1989 - m. 17 Temuz 2015), piloto Fransızo dê kıhano ke kewto Formula 1i ra.
Heyatê cı
[bıvurne | çımeyi bıvurne]Bianchi Fransa de suka Nicei de ameo dınya. O raveri Sporê motori rê be kartingi ra dest pê kerdo, serra 2007ıne de sporê kartingi ra veciyo û seriê Formula Renaulti de mucadele xo tıra kerdo. Serra 2007ıne de Formula Renault 2.0 de, 2009 de ki Formula 3 Euro Series de şampiyon biyo, hem serre de kewto GP2 Asia Seriesi ra û uca de mucadele kerdo, sezonê 2010i de pilotê GP2i çıniyawo we.
Wexto ke tede o veciyo pistê GP2y, taxımê Scuderia Ferrari de ramıtışê testi podao, ramıto. Sezonê 2012ıne de ki terefê Ferrariy ra gêriyao taxımê Force Indiai ra û uca de piloto dıyıne (piloto yedek) biyo. Bianchi Maratonan de turê antrenmani de veciyo pist ra. Verê sezonê 2013ıne ra, kontratê Luiz Raziay peyni diyo û Jules Bianchi vêrdo cayê Luiz Raziai ra. Taxımê Marussia F1y de pilotiye kerda. Sezonê 2014ıne de zi mucadala xo rê dewam kerda.
Merg
[bıvurne | çımeyi bıvurne]Tarixê 5ê Temuzê 2014 de, tayfuno ke namê xo Phanfoneo û Japonya zi kewto bınê xo ra, uca de bınê vartışi de Pıstê Suzukay de 2014 Japonya Grand Prix organize biyo û turê 43. de Jules Bianch kontrolê wesaitê xo kerda vıni û qeza kerda. Wesaitê xo dao pero otomobilê bini ra. Dıma na qezaya xofıne, Jules Biachi doktorê xo rapor kerdo ke hirey xo kerdo vıni. Cayê qezay de destego verên vıraziyao û merduman Bianchi ardo merkezê sıheti.
Dıma merduman qarar dao ke Jules şêro hestexane ama riê xırabiya heway ra resayış be helikopteri ra nêbiyo û merduman o berdo hestexaneo ke 15 km ra dûro. Dıma 35 daqan Jules Biachi resao xestexane. Uca de teşhıs vıraziyao ke qafıkê xo de Travma gırde veciyo. Mezgê xo ra operasyon keriyao. Tışrino Peyên 2014 de koma ra vecio û merduman o suka ke tede maya xo ra biyo berdo Nice û uca de universıta de xestexane de mendo.
Dıma 9 aşman, tarixê 17 Temmuz 2015i de vaciyao Jules Biachi heyatê xo vıni kerdo. [1] Roca 21 Temmuzi de zi Katedralê Nicei de torenê cenaza xo vıraziyaya.[2]