Korniki ya zi Kerneweki (zıwanê xo de: Kernowek, Kernewek) namê zıwanio ke verocê İngıltere de qısey beno. Korniki yew zıwanê do Hind - Ewropayo, zıwananê Keltki rayo. Eno zıwan, zıwanê Bretonki ra zaf nezdiyo, inan miyan de se de heştay nezdiye esta. Korniki terefê Korniyan ra qısey beno. Serra 1777ıne be merdışê Dolly Pentreathi ra zıwanê Korniki merd, ema merdışê cı seserra 19ıne de xo temam kerd. Eno zıwan dıme ra Qraliya Yewbiyayiye de şınasiyao u zıwanê mektebi biyo. Şarê Korniy zıwanê inan newe ra musayê u serra 2000ıne de 20 teni enê zıwan zanıtêne[1], tewr peyên serra 2011ıne de amorê merdumanê ke Korniki zanê 557 teni biyê.[2] Korniki zıwananê merdeyan miyan ra veciyo, ewro zıwanê do xosero u amorê qıseykerdoğanê cı roc be roc berziyeno. Konsilê Zıwanê Korniki, semedê averşiyayışê Korniki kar keno, nuştış u alfabey Korniki sero qerar dano.
Wikipediya, be zıwanê Korniki esta.