Mihanî Licokic

Mihanî Licokic
Melumato şexsi
Dewlete	Tırkiya
Biyayış	1952
Gure	Şair

Mihanî Licokic (1952, Licoke, Licê) yew nuştoxo kird o.

Cuya ey

Mihanî Licokic, dewa Licoke ya Licê de ameyo dinya. O nêşîyo mektebê dewlete la dewa xo de wendişê medrese de hetanî kitabê Nehcu'l-Enam wendo. 1986 de şîyo Swêd. Ewropa de 1988 ra nat dest bi nuştişê kurdkî (kirdkî û kurmanckî) kerdo. Sey Armanc, Vate û NewePel kovar û rojnameyanê cîyayan de nuşteyê ey weşanîyayê. Ey 1994 de Mewlidê Ehmedê Xasî tada herfanî latînkî ser û reya verêne sey kitabî weşana. Mîyanê kirdan de bi no kitabê xo şinasîya. Dima tayê kitabê eyê folklorîk û şîîrî weşanîyayî. Hetanî nika panc kitabê xo weşanîyayê. Nînan ra yew bi kirdaskî, ê bînî bi kirdkî (zazakî) yê.

Eserê ey

Hetanî nika nê eserê ey weşanîyayê:
1) Ehmedê Xasî, Mewludê Nebî, Transkrîpsîyon: Mihanî, Fırat Yayınları, Îstanbul 1994, 54 rîpelî
2) Sanikan û Deyîranê Licê ra, Arêkerdox: Mihanî Licokic, Weşanxaneyê Vateyî, Îstanbul, 2007, 111 rîpelî
3) Mihanî Licokic, Axînê Min Welat, Weşanxaneyê Roşna, Dîyarbekir 2014, 104 rîpelî
4) Mihanî Licokic, Kulîlkên Buharê, Weşanxaneyê Roşna, Dîyarbekir, 2015, 126 rîpelî (bi kirdaskî)
5) Mihanî Licokic, Meymanê Homayî, Weşanxaneyê Roşna, Dîyarbekir, 2016, 48 rîpelî