Moğol

Moğol (Moğolki: Монголчууд, Mongolchuud) ya zi Mongol miyan u rocvetışê Asya ra yew şaro, etniko Asyatiko. Şarê Moğoli Moğolıstan u zerrey miyanê zımey Çini dı cıwiyeno. Heto bin ra Şincan u Rusya dı zi tayn Moğoli estê. Moğolan miyan dı zaf şarê qıteki estê, Moğol namey inano pêroyiyo kı guriyeno, inan şınasneno. Zıwanê inano serên Moğolkiyo. Moğolanê modernan rê vanê pro-Moğoli. Amarê Moğolan 10 milyono, dı milyoni zerrey Moğolistanı dı cıwiyenê, ê bini zi teberê Moğolıstani dı cıwiyenê. Dinê Moğolan Budizmo, lızgeyo Tibetkiyo.

Moğolan ra tarix miyan dı yew ra vêşer namey gırweniyay. İnan rê Magog, İskıt, Tunguz vaciyay. Moğoli seserra 11. ra pey warey xo ra abırriyay, şiy cayanê binan. Moğolan zaf cay vıstê xo dest, işğal u talan kerdê. Pê işğalanê Moğolan xeylê merdımi kışiyay, ganê xo ra biy. Moğolê kı warey xo ra abırriyay, zerrey şaranê binan dı biy vıni. Coka amarê inan kemiyo.