Qırğ

Qırğ (be Tırki: Kırğanlı) namey yew eşira Zazayano. Eşira Qırğan zêdêri Xozat, Pulur û Pılemoriye de cıwiyena, Têrcan de ki estê. Eşira Qırğan, konfederasyonê Şıx Hesenani ra ameya. Çar lacê Şıx Heseni est bi: Abbas, Qırğ, Qerebal, Ferhat.

Eşira Qırğan de zaf ezbeti estê. Zazoğli (Şeteriyan), Şatoğli (Şeteriyan), Sarxanan (Saruhan), Ğeriban (Garip uşağı), Mirosan (Şatoğli), Balıkan (Şatoğli), Şıxkan, Xelilan, Mengusan, Çerkan, Demiran, Mıstıkan, Qereman, Remkan/Gewrekan, Abıkan, Partıkan, Laçıkan.

Khal Qırğ, pirbabê na eşiro. Eslê xo, nameyê xo Hesen Ağa bi. Labêle goreyê şanıke ra ya pirê xo ya zi mısayıbê xo Qere Sılêman kışiya. Tepiya Hesen Ağa, hêfê xo cêno û çewres mordem kışeno. Tepiya namê xo Khal Qırğ bi, yanê ebe Tırki «Yaşlı Kırk». Bınê versiyonê na şanıke pirê Hesen Ağayi kışiyo û serba hêfê xo hıris û new Şix Hesenıci gıre da, cokera leqeba Hesen Ağayi biya Khal Qırğ, zey Cemê Qırğleru.

Ağayê eşira Qırğan destê ezbeta Satoli/Şatoğli. Pêra Satoli Mahmud Ağa niyaro: Çê Mırosi, Çê Sılê Pasayi, Çê Gul Mıstefayi, Çê Usêni, Çê Dewrêşi. Pêra ke Satoliyan rra gıredayiya: Çê Seterıci, Çê Kemoli, Çê Balıkan (Pilemoriye de) Satoliyo Pil zamayê Khal Qırğiyo. Satoliyo Pil dewa Seteriye ra ameyo. Goreyê tayê riwayeti ra mezela xo ya Ağdad de ya zi Kırmêl dera. Cıniya Satoliyê Pili, Sate'ya ke çêna/kêna Khal Qırğiya.

Lazê Satoliyê Pili û Sate, Satolê Sılêman Ağayi mezela xo dewa Muşkirage dera. Piyê Mıros Ağayi nameyê xo Satoli bi. Lazê Satoliyê Sılêman Ağayi, Satoliyê Ali Ağayi mezela xo dewa Dewrêş Cemal dera. Lazê Satoliyê Ali Ağayi, Satoliyê Mahmud Ağayi 1848 de tepiya operasyonê Usmanıcan de surgın biyo, Vidin (Bulğarıstan), uca de merdo. Satoliyê Mahmud Ağayi 7 lacê xo est bi, nameyê lacanê xo nayo: Mıros Ağa, Dewrês Ağa, Paşa Ağa, Usên Ağa, Gul Mıstefa Ağa, Lilo Ağa, Khurêş Ağa.

Ezbeta Zazoğli û Şatoxli jû koke ra yena. Zazoğli Şeteriye de Ağa bi û uca de mendo. Şatoğli bırayê cı bi û şiyo Muşkirage.

Mensubanê eşire namekerdış

Mensubanê eşira Qırğan rê Qırğıci vanê.
Keso ke mensubê eşira Qırğano cı rê Qırğıc vaciyeno.
Kesa ke mensuba eşira Qırğana cı rê Qırğıce vaciyena.

Bıvênên