Roşanê Qurbani
| İslam |
|---|
 |
| Baweriye |
| Yewiye * Homa * Peyğamberi * Kıtabê firazi * Mıleketi * Sernuşte * Reyna goynibiyayış |
| Panc şerti |
| Şehadet * Nemac * Roce * Zekat * Hec |
| Nuşteyi û İlım |
| Qurane * Tefsir * Sunet (Hedis * Siyer) * Qısasi * Şeriat (qanun) * Fiqh (edalet) * Teolociye |
| Tarix |
|
Kronolociye Mıhemmed * Ehlê Beyti * Sehabe * Çehar Xelifeyi * İmam * Xelife * Vılabiyayış * Xalefê Mıhemmedi |
| Kultur û mısılmani |
| Akademiye * Heywani * Huner * Serrename * Demografiye * Mezhebi * Ekonomiye * Egzorsizm * Feminizm * Roşani * Heqê merduman * LGBT * Medresa * Camiye * Sufizm * Cêniye |
 İslam portal |
Roşanê Qurbani ya zi Roşanê 'Heciyan ya zi İdiya Qurbani (be Erebki: عيد الأضحى ʿĪd al-'Aḍḥā, be Farski: عید قربان ʿĪd-e Gorbān) ya zi Roca İsmail Peyğamberi, yew roşano dinio ke terefê mısılmanan ra gorey teqwimê hıcri 10ê aşma Zılhıce ra nat çar roci yeno mıbarek kerdene.
Dinê İslami de be Roşanê Remezani ra piya dı roşanan ra tewr muhıman ra yewo. No roşan namey xo 'seba rıza Heqi mal ya ki naxır qırban-kerdene' ra gêno. Roşanê Qurbani, dıwelê ke nıfusê xo zêdêr mısılmano, inan de lewê roşanê dini de roşano resmi ya zi roca tetili ilan bena.
Nıka terefê mısılmananê dınya pêroine ra mıbarek-kerdana Roşanê Qurbani İbrahim peyğamberi ra menda. Ey waşto ke lacê xo İsmaili Heqi rê qurbane kero. Labelê Heqi o ef kerdo. Yanê adê deyo manewi qebul kerdo u hurêndia İsmaili de yew vosn/beran şawıto/rusno ke ey qurban kero.
Eyni zeman de alemê İslami her serre seba ferzê Heci hurêndi-ardene rê na wext de şonê Mekka. Roca roşani de nemacê eydi/roşani beno u xudbey roşani waniyeno. Teqwimo Hıcri teqwimê aşmano (aşme ra gore hesabiyeno) coka Teqwimo Miladi (roc ra gore hesabiyeno) des u yew, des u dı roci kılmo. Coka Roşanê Qurbani her serre des u yew ya zi des u dı roci rew yeno mıbarekkerdış. Her hirıs u hirê serri de roca roşani kewna eyni tarixi.
Dinê İslami de cayê qurbani
[bıvurne | çımeyi bıvurne]
Dinê İslami de mezhebanê mısılmanan miyan de qurbankerdış henefiyan de wacib, mezhebanê sunniyanê bini de zi sunet beno. Roca roşanê qurbani de raver mısılmani şınê camiye, nımecê roşani kenê u nımec ra tepeya zi qurban bırniyeno. Kamo ke qurbani bırneno, hirê parçeyanê qurbani yewi dano nezdiyanê xo, ê yewê bini zi dano feqıran u wayirê ê bini zi o beno. Goştê qurbani ra kamci nanweri pewciyenê se merdım inan dano meymananê xo. Merdım ma u pi, wa u bırayanê xo geyreno, qıcan rê pereyi dano. Qıteki (qıci, domani) lew nanê destanê pilanê xo ro.
Bıvênên
[bıvurne | çımeyi bıvurne]
| |||||||||||