Tac Mehel

Wikipediya, ensiklopediya xosere ra
Tac Mehel.

Tac Mehel, kometa ke imperatorê İmperatoriya Baburiyo pancın Şah Cihani cêniya xo Mumtaz Meheli (aye rê Ercumend Banu Begumi zi vaciyêne) rê vıraşta, kar dao kerdene. Zemanê Şah Cihani de eyaletê Burhanpuri sero serewedarıtış veciyo. Şah Cihan zi cêniya xo Mumtaz Mehele ra piya şiyo Burhanpur. Cêniya xo o taw pêmenda. Pıtê Şah Cihan u Mumtaz Mehelio çeharêsın maya xo ra ameyo dınya. Biyayışê pıti ra tepeya, Mumtaz Mehele weşiya xo kerda vıni, merda. Şah Cihan merdışê cêniya xo ra dıme, dı serri yadê aye tepışto. Karê erdê xo ra dûri mendo, nêguriyo. Ey xo dao huner u mimariye. Dıma zi qerar dao ke cêniya xo sero çiyê vırazo. Serra 1632yıne de zi temelê Tac Meheli eşto. Serra 1643yıne de zi vıraziyayışê Tac Meheli peyniye diya.

Tac Meheli vıraştene rê Estanbol ra xeylê mimari şiyê Hindıstan. Mimaran uca de sûka Agra de vıraştışê Tac Meheli kerdo temam. Ewro Tac Mehel kewto lista mêrasi. Her serre xeylê turisti yenê tiya, Tac Meheli geyrenê, ziyaret kenê.