Varyantê fekanê Zazaki
Zazaki de varyantê fekan zafo. Her kes be fekê mıntıqaya xo qısey keno. No hal zaf normalo, labelê şarê teberi miyan de yew zıwanê nuştene lazımo. Be destê taê ilmdaranê zıwani û nuştekaranê Zazayan zıwanê Zazakiyê Standardi hao vıraziyeno. Nê gurenayışi sero heta nıka yew kıtabo çapo cerreb veciya, Şazadeo Qıckek, Hêgayo Bêwahêr, taê meqaleyê ke pêseroka Mirazi de, yew ki Wikipediya Zazaki de be Zazakiyo Standard meqaley estê.
Metodê vıraştena Zazakiyê Standardi ilmiyo; ney sero Estamol û Almanya de semineri diyenê. Varyantê qısanê ke ke fek be fek vuriyenê, labelê êyê ke zıwano ewroên de eslê xo ra tewr nezdi mendê, hetê tarix û etimolociye ra zehf nêvuriyaê, ê varyantê qısan û grameri esas gêriyenê.