Yılmaz Çelik

Wikipediya, ensiklopediya xosere ra
Yılmaz Çelik
Melumato şexsi
Dewlete Tırkiya
Cınsiyet Camêrd
Cayê biyayışi Pulur
Biyayış
Gure Nuştekar

Yılmaz Çelik yew senatkaro Zazawo. Yılmaz Çelik, serra 1969ıne de qeza Dêsımi Vacuğe (Pulur), dewa Çêdage (Kedek) de ame riyê dınya. Çeliki mektebo verên Pulur de wend. Mektebo wertên de sınıfa yewine ra dıme, serra 1980ıne de şono İswiçre, uca de wendena ho qedeneno. Yılmaz Çelik hewna zi İswiçre dero, uca de weşiya xo rameno (cıwiyeno).

O hewna ke yew domano 7 serre biyo, cenıtena temburi musao. Çunke, dı xalıkê ho zi senatkar biyê; yewa ho kemane, a bine zi tembur cenıtêne. A ri ra, Yılmaz Çeliki hewna ke doman biyo, hewesê muziki kerdo. Ey qıckekina ho de, her daim zey Sılo Qıc, Usên Doğanay şairê Dêsımiê pili goş dawê (goş nawê ser).

1984ıne de İswiçre de hirê embazanê ho ra (be hirê embazanê ho) yew gruba muziki nano ro; veyve u konseran de lawık u kılaman vano. Yılmaz Çelik, 1988ine de yeno Tırkiya, bandê (album / kasete) hoyê sıftêni "Çeke Çeke" veceno. Ema no bandê ho hirê aşmi dıma hetê hukmati ra, riyê (semedê) lawıkanê Zazakiyê ke wertê kasete derê, yeno wedardayış.

Yılmaz Çeliki heta nıka albumanê ho de ca dayo lawık u kılamanê Dêsımiê kıhan u otantikan. Lawıkê ke o vano zafêr Zazakiyê, ema o ca dano lawıkanê Tırki u Kurdki zi. Muzikê Dêsımi, Muzikê Zazay u muzikê şari de cayê Yılmaz Çeliki zaf mıqerremo.

Band u albumê cı[bıvurne | çımeyi bıvurne]

  • Çeke Çeke, 1988, ASM
  • Gelin Canlar Bir Olalım / Dayê Dayê , 1991, ASM
  • Veyvê Veyvê , 1994
  • Mezela Seyidê Mı , 1997
  • Güle Yel Değdi / Hal Yamano, 1998
  • Kılara / Yaprak Ağlar Dal Ağlar, 1999
  • Türküler Sevdamız-2, 1999
  • Pirbab, 2002
  • Türküler Sevdamız-3, 2005
  • Biya Düri, 2008

Gıreyê teberi[bıvurne | çımeyi bıvurne]