Zıwanê Berberki

Wikipediya ra ensiklopediya xosere
Jump to: şiyayış, Cı geyre
Berberi

Zıwanê Berberki (zıwanê xo dı: Tamazight) zıwanê ke keyey zıwananê Berberkiyan miyan dı ca gênê, namey inano pêroyiyo. Nê zıwani Marok, Cezayir, Tunıs, Libya, Mısır (Siwa), u Mali u Nicer dı hetê şarê Berberi ra qal benê, yewbinan ra zaf nezdiyê. Enê zıwani zıwananê Afro-Asyatiki ra amariyenê. Zıwananê Berberkiyan ra lızgey zımey dı yew zıwano standard vıraştene rê yew hereket esto. No zıwano standard be namey Tamazigt şınasiyeno, miyanê Maroki dı qal beno u pêro zıwananê Berberkiyan ra yew raya mıştereke vırazeno. Hema, ewro zi ca be ca fekê zıwananê Berberkiyan yewbinan ra abırriyenê, coka zi xeylê Berberi xo Tamazigt nêşınasnenê.

Gramerê cı[bıvırne | çımey bıvırne]

Zıwananê Berberkiyan dı namey hetê cınsiyeti ra anciyenê u vıriyenê. Kamci vatekê ke nêriyê, be herfanê a, u ya zi i ra dest pêkenê.

afus "dest"
argaz "merdım"
udem "ri"
ul "zerre"
ixef "sere"
iles "zıwan"
afus → ifassen "desti"
argaz → irgazen "merdımi"
ixef → ixfawen "seri"
ul → ulawen "zerri"

Nê zıwani keyey xo ra spesifikê, pêro karakteristikê keyey xo motnenê. Key vateki benê zafın, o taw miyanê ê vatekan vıriyenê, yew çekuyê da newiye veciyena miyan.