Zıwano merde
Zıwano merde zıwano, ke zemanê veri de merdıman o qısey kerdêne, ema ewro qalkerdoğê/qıseykerdoğê cı nêmendê û qısey nêbeno, cı rê vaciyeno. Yew zıwan terefê merdıman ra qısey beno, ema eke domanê merdıman û domanê (torni) newey zıwani qısey nêkenê, nêmusenê ya zi nêşenê bımusê, o zıwan mıreno û beno zıwanê do merde.
Zıwan senin mıreno?
[bıvurne | çımeyi bıvurne]Raveri her zıwan wayirê qalkerdoğanê xo beno, ema eke nesılê verêni zıwanê xo qıcanê xo ra nêmusnenê, zıwan mıreno. Eke zıwan illegal (yesax) vınêno, zıwan mıreno. Politika asimilekerdışi zıwanan û merduman sero zaf zerar dano. Mısal Tırkiya de riyê politika asimilekerdışi ra zıwanê Ubıxki merdo û ewro yew zıwano merdeyo, zıwanê Lazki zi hêdi hêdi mıreno. Eke zıwanê yew şari mıreno, kulturê şari zi mıreno û şar beno asimile û vıni, estiya xo nêmanena. Heto bin ra zıwanê Adıgeki, İsrail de tenya 2 (dı) dewan de qali (qısey) biyêne, ema İsraili eno zıwan bınê seveknayışi (sıtarkerdış) ra gırewto, kerdo zıwanê mektebi û İsraili zıwanê Adıgeki sero politika asimilkerdışi nêkerda, a ri ra ewro Adıgeki hıma esto û qali beno. Eke yew zıwan kewno domê vınibiyayışi û hıkumet ya zi merdumi bınê kontroli ra nêgênê, o zıwan beno vıni û mıreno.