|
İtalya
İtalya mıntıqa ra verocê (cenubê) rocakewtena Ewropa dero. Zımey (Şımalê) İtalya de İsviçre u Awıstırya; veroc (cenub) de Deryao Sıpê (Deryao Miyanên); rocawan (ğerb) de Fransa; rocakewtene (rocvetış, şerq) de Deryao Adriyatik, Arnawutiye u Slowenya estê. Paytextê İtalya Romao. Adey Sicilya u Sardinya gırêdaiyê İtalyaê. Dewletê Vatikan u San Marino zerrey İtalya derê.
Tarixê İtalya zaf khano. Merkezê İmparatoriya Roma İtalya bi. Wextê İmparatoriya Roma, erdê İtalya zaf gırd bi. İspanya, Portekiz, mıntıqa Balkani, Yunanıstan, Anadoliye, Suriya, Fılıstin, Mısır, Afrika Zımey gırêdaiyê İmparatoriya Roma biy. Feqet Attila Huni Roma kerde xırabe. Wextê esrê 15ine de İtalya biya merkezê Ronesans u Reformi. Zaf senatkari İtalya ra veciyay. Verê coy, dıwelê xoyê padişatine (qraline) zaf biy. (dewamê cı...)
Zılfi Selcan
Nuskar Dr. Zılfi Selcan Pax rao u Mamekiye de wendo. Serra 1964ine de lise ra bırriyo ra şiyo Almanya. Dortmund de muhendisina makina qedena. Serra 1973ine de şiyo Berlin, Universıta Tekniki de dewam kerdo. 1979 ra têpia çar serri universıta de ilımê muhendisine de guriyo. Serra 1984 de kewto ilımê zıwani. Rew ra be nat hewes u meraxê xo zıwan u kulturê Zazaki sero zaf biyo.
Karê Dr. Zılfi Selcanio verên doxtorawa.: Gramerê Zonê Zazay, Lehçey Dêrsımi (Lehçey Cori) "Grammatik der Zaza-Sprache, Dersim-Dialekt (Nord-Dialekt)". Karo de bin ki ancia Universıta Tekniki de projeyê do ilmio: Korpusê Teksti be Zazaki u Almanki (Zaza-Deutsches Textkorpus). (dewamê cı...)
|
