Pılemoriye
Pılemoriye, fekanê binan de Pulemuriye (Tırki: Pülümür, Ermenki: Plurmori Բլուրմորի) qeza Dêsımia, suka Mamekiye ra 67 km düria. Hetê rocvetışi (şerqi) de Çolig(Bingol), zımey (şımali) de Erzıngan, veroci (cenubi) de qeza Nazmiya u rocawani (ğerbi) de qeza Pulur/Vacuğe estê. Namey Pılemoriye heni aseno ke Ermenki ra yeno: blur բլուր "tum, tepe" (Namey qezay Puluri ki na çekuye ra yeno) u mori մորի "dırrıka siae", yanê "tumê dırrıka siae". Tainan çım de Pılemoriye Zazaki Pulê Muriye ra yeno; her çıqa ke mumkıno heni ki bo, be qenat kokê kelıma Ermenkiyo.
Şarê Pılemoriye hema hema pêro Elewiyê u Zazaki qısey kenê. 2-3 dewan de Tırki ki qısey beno.
Reqımê Pılemoriye 1650 metreo. Pılemuriye de zaf koyê berci estê. Ninan ra...
- Bağıre (Tırki: Bağır Paşa Dağı, 3287 m)
- Koyê Mercani (Tırki: Mercan Dağları 3000 m.)
- Koyê Muzıri (Tırki: Munzur Dağı)
Pılemoriye de zaf çhem u çımey hêniyan estê. Nê çheman ra...
- Çhemê Pılemuriye (Tırki: Pülümür Çayı)
- Çhemê Qeregoli (Tırki: Karagöl Çayı)
- Çhemê Perginiye (Tırki: Kırklar Çayı)
- Awa Çekemi (Tırki: Çekem Suyu)
- Awa Aşkirege (Tırki: Kocatepe Suyu)
Namey çımey hêniyan ki nêyê:
- Tekepınarı (dewa Gobırge de)
- Beyaz Su (dewa Qeregol'i de)
- Hêniyo Pil (dewa Şêneke de)
- Sıtmapınar (mala Gomu de)
- Bent Çeşmesi ( dewa Mazra Sılêmanu de)
- Bağır Çeşmesi (dewa Pêrginiye de)
- Çewres çıme (nahiya Seteriye, Wareyanê Bêbıni (Bêvın) de)
- Karagöz Çeşmesi (dewa Gurk'i de)
Qezay Pılemoriye de merkez ra pia phanc nahiyey estê. Namey nê nahiyan nawo:
Tabii ke nê nahiyan de ki zaf dewi u mezrey estê. Namey nê dewan u mezran ki nawo:
[bıvurne] Dewê Pılemoriye
|
Merkez |
