Beneluks

Wikipediya ra ensiklopediya xosere
Jump to: şiyayış, Cı geyre
Desmala Beneluks

Beneluks ( ebe Fransızki; Bénélux ) namê yew mıntıqaya ke Ewropaya Rocawani dera. Erdê xo 76,657 km2 yo.Mıntıqa Beneluxi de pêro piya 3 (hiri) dewleti estê u namê Beneluxi verherfê namê nê dewletan ra yeno. Namê no dewletan ;

Dewletê ke mıntıqa Beneluxi derê, inan rê Dewletê Beneluxi vaciyeno. Erdê Beneluxi, zaf nızmo u berziya xo zaf kemiyo. Berziya erdê dewleta Hollanday, berziya derya ra kemiyêro. Şarê Hollanda, heta nıka xıdudê deryay rê zaf bendi u beraci inşa kerdo u deryay ra here vırazeno.

Erdê Beneluksi[bıvırne | çımey bıvırne]

Erdê Beneluxi, polo nebatan ra zaf zengıno u seba nebetan xeylê munasıbo. No sebeb ra, erdê Beneluxi zaf mexsuldaro. Hollanda de vılıki zaf estê. Dewleta Hollanda, her serri zaf Laley u vılê bini, dewletê binan rê roşuno. Ziraetê dewletê Beneluxi zaf quwetıno. Polo heywanan ra, mıntıqa Benelux zaf raverşiyayo. Xısusên, Mongaya Hollanda dınya de zaf namdara. Mıktarê şıtê Mongaya Hollada, goreyê mongaya bini ra zafêro. Eyni zeman de, dewletê Beneluxi de xoz ji esto. Erdê dewletê Beneluksi ;

İklımê Beneluksi[bıvırne | çımey bıvırne]

Heme dewletê Beneluxi de iklım hemo/eyniyo. Erdê Beneluxi de hewa amnani de germo amnani u zımıstani de zi nermo. Tena mıntıqa Ardennesi de yew weziyetê ferqıni esto. Ardennes de zımıstani goreye erdê bini ra serdêr beno u germiya kemiyêr yeno. Pêro de mıntıqa Beneluxi de germiya 0 derecey ra kemiyêr nêbeno.

Nıfusê Beneluksi[bıvırne | çımey bıvırne]

Nıfusê dewletê Beneluxi , pêro - piya 28 miyoni ra nezdiyo. 90% ê nıfusê dewletê Beneluxi sukê gırdi de cıwiyenê. Mıntıqa Randstad Holland, mıntıqaya de tewr sıx nıfusıno. Cayê Randstad Holland, miyanê dewleta Hollandayo. Nıfusê dewletê Beneluxi ;

Zıwani[bıvırne | çımey bıvırne]

Heme zıwananê ke Benelux de qısey benê aidê zıwananê Hind u Ewropayo. Mıntıqa Beneluxi de zıwanê Hollandki, Almanki, Fransızki qısey benê.

Din[bıvırne | çımey bıvırne]

Xıristiyaniye dino de tewr gırdo ke Benelux dero. Holladayıci, Belçikayıc u Luksemburgıci no din rê bawer kenê. Xıristiyaniye ra dıme, İslam dino de dıyıne gırdo Beneluxi de. İslam ebe goçi ameyo Benelux. Wexto ke Tırki, Farsi, Erebi u şarê İslamiyo bini amey Benelux, İslam zi amey mıntıqa Beneluxi. İslam ra dıme Cıhudiye u dinê bini yeno. Mıntıqa Beneluxi de kesê ke atestê, agnostikê, deistê ya zi binani rê bawer kenê, ê zi cıwiyenê u amorê inan zi zafo.

Ekonomiye[bıvırne | çımey bıvırne]

Ekonomiya dewletê Beneluxi zaf quwetıno u zaf raverşiyayo. Teknolociye u industriyê elektroniki , nê dewletan zaf raverşiyayo. Raya otobani zaf herayo u zaf dergo, limanê inan zaf muhımo. Dewletê Beneluxi her polo teknolociye de zaf zengıno. Merkezê zafê Bankan u Organizasyonan nê dewleti de estê. İndustriyê otomotivi, makiney, kimyay, tıbiy ,tekstili u industriyê teyarey zaf raverşiyayo Benelux de. Mexsulê dewletê Beneluixo şıti dınya de zaf namdaro. İndustriyê vıli zi zaf herayo. 'Laleyê Hollanda dınya de zaf namdaro u Hollanda her serri zaf dewletan vıli roşuno.