Cengê Şeş Rojan
| Cengê Şeş Rojan | |
|---|---|
 | |
| Melumat | |
| İzahat | Herb |
| Heti | Rocakewtena Miyani |
| Demê cıkewtışi | |
| Demê weşbiyayışi | |
| Eleqeyın | İsrail, Mısır, Suriya, Urdun, Iraq û Lubnan |
| Peyên | War of Attrition |
Cengê Şeş Rojan yan zî Cengê Hezîrane (Erebkî: حرب الأيام الستة, îbrankî:מלחמת ששת הימים) cengê mabênê dewletanê Îsraîl, Misir, Urdun û Sûrîye de, 5. hezîrane ra heta 10. hezîrane 1967 bî. Cengê Xoserîye (1948) û Krîzê Sûezî (1956) ra dime no cengo hîrêyin yê cenganê Îsraîl û ereban bî.
Sebebê cengî zaf bîyî. Verê, hêzanê Misirî gavanê Tîranî seba keştîyanê Îsraîlî pada. Badê, serekwezîrê Misirî Cemal Abdul Nasirî kerd ke leşkerê UNEF yê Miletanê Yewbîyayeyan xo Sîna ra peyser biancê. Badêna, artêşa Misirî bi 1.000 tank û da-100.000 leşkeran şîye sînoranê Îsraîlî ver. Ceng roja 5. hezîrane 1967 de dest pêkerd. Îsraîlo ke waşt vernîya hêrişê artêşa ereban bigîro, bi artêşa xo ya hewayî hêrişê teyargehanê Misirî kerd. No ra dime Urdun erzîya rojawanê Quddusî û Netanya ser. Peynîya cengî de Xeze, nêmgirawa Sîna, Tumê Golanî û Urdunê Rojawanî kewtî binê hukmê Îsraîlî. Heta ewro netîceyê nê cengî sîyasetê Îsraîl û cîrananê xo ser o tesîr keno.