Elif Şafak
| Elif Şafak | |
|---|---|
 | |
| Melumato şexsi | |
| Dewlete | Tırkiya |
| Cınsiyet | Cêniye |
| Cayê biyayışi | Strasbourg |
| Biyayış | |
| Wendış | ODTU Fakultey Zanışane Ekonomi u İdarey û Universitey ODTÜ |
| Gure | Nuştekar, Nuştekarê romani û rocnameker |
| Zıwani | İngılızki û Tırki |
| Hempar | Eyüp Can |
| Pi | Nuri Bilgin |
| Keyepele | elifsafak.com.tr |
Elif Şafak (b. 25 Tışrino Verên, 1971, Strazburg) yew nuştekara Tırka. Ae heta serra 1997a ke romanê xoyo verên çap kerdo ra nat nusena. Serra 2009 de romanê xo pê namey 'Aşk'i zaf roşiyao, tarixê edebiyatê Tırki de romano ke tewr zemano kılm de tewr roto biyo. Şafak zi aniya name kerdo, biya namdare. Kışta bin ra kıtabê ae çarniyay hirıs (30) ra vêşêr zıwanan. Gorê pêseroka (mecmua) Forbesi tewr nuştekara qezençkerdoğa Tırkiya de.
Heyat u edebiyatê xo
[bıvurne | çımeyi bıvurne]Ae roca 25 Tışrino Verên 1971 de ame dınya sûka Starzburg de. Key a maya xo ra biya, piyê cı Stazburg de doktora kerdêne, coka caê biyayışê cı ocao. Biyayışê xo ra tepeya ma u piyê cı abırriyay, maya cı ae gırewta, kerda pil. Coka zi ae zey peynamey (surname, soyadı) xo namey maya xo gırewto. Piyê cı psikologo sosyalo u akademisyeno u namey ey Nuri Bilgina. Maya cı zi diplomat Şafak Ataymana. Mektebo miyanên Madrid de wendo, maya cı o zeman oca de gureyêne, lisa zi Anqara de Lisa Atatürkê Anadoli de kerd temam. Lisa ra tepeya kewta ODTÜ u inca ra biya mezun. Lisanso berz inca de lızgey Gurê Cêniyan sero kerdo. Teza lisansê berzi "Bektaşi ve Mevlevi Düşüncesinde Döngüsel Evren ve Kadınsılık Anlayışı" sero nuşto, teza doktora xo zi pê namey "Türk Modernleşmesinin Kadın Prototipleri ve Marjinaliteye Tahammül Sınırları" nuşto.
Key lisanso berz kerdêne, kıtabê xo Kem Gözlere Anadolu (1994) u romanê xoyo verên Pinhan'ı (1997) çap kerdo. Pê enê eseranê xo Veqfa Kombassani ra odul gırewto. Universıtey Bilgi de dersê "Tırkiya u Kamiyê Kultureli" u "Cêniye u Edebiyat" day cı. Serra 2000 de be romanê xo Mahrem (Mehrem) odulê Yewiya Nuştekaranê Tırkiya gırewto, namey ey zi gam be gam biya hira, şınasiyao. Dı serran ra tepeya romanê xo Bit Palas (2002) u pê zıwanê İngılızki Araf (Eraf) nuştê.
Pê yew burso ke daêne senatkaran şi Amerika, doktora xo ra tepeya waşta bıguro u inca de taê universitan de dersi day cı. Miyanê serra akademika 2003-2004 de Universıtey Michigani de doçento destegker ca gırewto u dersi day cı. Dıma zi Universıtey Arizona de lızgey Cıgeyrayışyanê Rocvetışê Nezdi de doçento destegker guriyo. "Edebiyat v Surgın", "Hire u Politika", "Seks u Cınsiyeto Sosyal Dınya Mısılmani de" sero dersi day cı. Serra 2004 de kewt yew procey romani ke panc nuştekari gêno xo dest (Murathan Mungan, Faruk Ulay, Elif Şafak, Celil Oker, Pınar Kür), eno roman pê namey Beşpeşe çap biyo.
Ae miyanê serranê 2005-2009i de rocnamey Zemani de nuşto. 2005 de cêniye, kamiye, abırriyayışo kulture, zıwan u edebiyati sero nuştê xo kerdê temıyan kıtabê xo Med Cezir de. A serre pê direktorê pêroyi ê Rocmaney Referansi Eyüp Can Sağlıki zewciya Berlin de. 2006 de romanê xo Baba ve Piç (Pi u Piç) ke pê zıwanê İngılızki nuşto çap biyo. Eno romanê xo de mınasebetê Tırkan pê Ermeniyan gırewto qeleme ke Tırki rê heqaret ra dewa a kerda ae ser. Delil ke nêvêniyo, çiyê do illegal ke nêkerdo, berat kerda. A serre keyna cı Zelda ameya dınya. Biyayışê keyna xo ra tepeya kewta depresyon, eno depresyonê xo kıtabê xo Şıto Siya (Siyah Süt) de nuşto, no roman zi pê zıwanê İngılızki nuşto. Dı serran ra tepeya zi lacê cı Emir Zahir ameya dınya, a zi maya dı qıcan (qeçekan) biya. Serra 2009 de aşma Marti de romanê xo pê namey AŞKi kewta liste, romano ke tewr zemano kılmek de zaf roto biyo. Peyniya a serre de kıtabê xo Kağıt Helva çap kerdo, heşt romanê xo u kıtabê cıyo verêno essayi Med Cezir ra paragrafê weçıniti eno roman de kerdê temiyan.
Serra 2010 de yew esero bin pê namey Firarperest veciyo piyasa. İllustrasyonê ke miyanê enê eserê xo de ca gênê, ê M.K. Perkeriê. Yew serre ravêrda, çapxaney Doğan Kitab ra eserê xo pê namey İskenderi veto. Asayışê serperrê kıtabi de Elif Şafak ca gırewta ke fotoğraf de pê makyaji xo vırna, kerda zey camêrdi.
Ae ewro Tırkiya de çapanê rocane u aşmane de nusena. Serra 2009 ra nat rocnamey Habertürki u mıtemimê rocnamey HIT PAZAR de nuştê ey nusena. Nuştê ayê ke eno rocname de nuştê ra yew parçe weçınıto, pê illustrasyonanê M.K.Perkeri pê namey Şemspare çap krdo serra 2012 de. Romaê ay İmpearatoriya Usmanıcan çımê yew çıraxê ke kışta Mimar Sinani de gureno ra qal keno Ustam ve Ben 2013 de çap kerdo.
Elif Şafak serra 2017 de vata ke ae biseksuela.
Kıtabê xo
[bıvurne | çımeyi bıvurne]- Kem Gözlere Anadolu, 96s, 1994, Evrensel, ISBN 975-785-729-6 [1]
- Pinhan, 224s, 1997, Metis, ISBN 975-342-297-0 [2] Archived 2007-09-27 at the Wayback Machine
- Şehrin Aynaları, 280s, 1999, Metis, ISBN 975-342-298-9 [3] Archived 2007-09-27 at the Wayback Machine
- Mahrem, 216s, 2000, Metis, ISBN 975-342-285-7 [4] Archived 2007-09-27 at the Wayback Machine
- Bit Palas, 361s, 2002, Metis, ISBN 975-342-354-3 [5] Archived 2007-09-27 at the Wayback Machine
- Araf (Çarnayışê/Tadayışê The Saint of Incipient Insanitiesi), 352s, 2004, Metis, ISBN 975-342-465-5 [6] Archived 2007-09-27 at the Wayback Machine
- Beşpeşe, 680s, 2004, Metis, ISBN 975-342-467-1 (with Murathan Mungan, Faruk Ulay, Celil Oker and Pınar Kür) [7] Archived 2007-09-27 at the Wayback Machine
- Med Cezir, 254s, 2005, Metis, ISBN 975-342-533-3 [8] Archived 2007-09-27 at the Wayback Machine
- Baba ve Piç (Çarnayışê/Tadayışê The Bastard of Istanbuli), 384 s, 2006, Metis, ISBN 975-342-553-8 [9] Archived 2007-09-27 at the Wayback Machine
- Siyah Süt, 303s, 2007, Doğan Kitap, ISBN 978-975-991-531-5 [10] Archived 2008-02-04 at the Wayback Machine
- Aşk, 420s, 2009, Doğan Kitap, ISBN 978-605-111-107-0 [11]
- Kâğıt Helva, 156s, 2010, Doğan Kitap, ISBN 978-605-111-426-2 [12] Archived 2010-01-11 at the Wayback Machine
- Firarperest (kitap) 232s, 2010, Doğan Kitap, ISBN 978-605-111-902-1
- İskender, 448s, 2011, Doğan Kitap, ISBN 9786050902518
- Şemspare, 252s, 2012, Doğan Kitap, ISBN 9786050907995
- Ustam ve Ben, 480s, 2013, Doğan Kitap, ISBN 9786050918038
- Havva'nın Üç Kızı 418s,2016,Doğan Kitap ISBN 9786050935370
Linkê teberi
[bıvurne | çımeyi bıvurne] Elif Şafak sero dehana vêşi wesiqey estê |
- http://www.elifshafak.com – webisteo resmi be zıwanê İngılızki
- http://www.elifsafak.com.tr – webisteo resmi be zıwanê Tırki
- Elif Shafak at Curtis Brown Literary and Talent Agency
- "The politics of fiction" (TEDGlobal 2010)
- Twitter de Elif Şafak
- CNN Elif Shafak on The Power of Stories at TED
- Elif Shafak's Istanbul, CNN International
- Rebecca Abrams, "Elif Shafak: Motherhood is sacred in Turkey", The Guardian, 19 June 2010
- Elif Shafak 'Read My Country', BBC Radio World Service The Strand
- Novel excerpt in Bosphorus Art Project Quarterly
- Book Preview: Elif Shafak's "Black Milk": On Writing, Motherhood and the Harem Within Archived 2013-02-11 at Archive.today, Qantara.de
- Urdu Translations of Elif Shafak's books, Jumhoori Publications
- Elif Shafak: 'In Turkey, men write and women read. I want to see this change'
- [13], Advertising Age
- [14], Telegraph
- Asian women of achievement awards 2015, Guardian