MED TV

Wikipediya, ensiklopediya xosere ra
MED TV
Şınasiye
Tewr Istasyonê têlevizyoni
Sazbiyayış
Merkez Londra

MED TV kanalê televîzyonê kurdan yê tewr verên o. 15 Hezîranî serra 1995 de Londra de ameyo ronayîş û Ewropa ra temamê dinya rê weşan kerdo.

MED TV de vernameyê (programê) bi qey sîyasetî, newçe (xeberî), spor û domanan weşanîyayî. No kanalo ke çar serrî weşanê xo dewam kerd serra 1999 de dima ke Abdullah Ocalan, serekê PKK yî, ame tepiştişî hetê Îngilîstanî ra lîsansê ci îptal bi û ame girewtişî.

Herinda nê kanalê kurdkî de Medya TV Fransa ser o dest bi weşan kerd. La no kanal zî hetê dewleta Fransa ra ame girewtişî. Dima cû Roj TV Danîmarka ra dest bi weşanê xo kerd. La Tirkîye zaf zor da Danîmarka û peynî (encam) de no kanal zî ame girewtişî. Nika şopa nê kanalan de Nûçe TV û Stêrk TV weşanê xo dewam kenê.

Gireyî[bıvurne | çımeyi bıvurne]