Abdullah Öcalan

Wikipediya ra ensiklopediya xosere
(Redirected from Abdullah Ocalan)
Jump to: şiyayış, Cı geyre
Abdullah Öcalan
Abdullah Öcalan.png
Dewlete  Tırkiya
Biyayış 4 Nisane 1949, Xelfeti

Abdullah Ocalan (Apo) serdarê Partiya Karkeranê Kurdıstani (PKK)o. Tayinan çım de zi yew serekê Kurdan hesebiyeno. 4ê Nisanê 1949i de Xelfeti (Rıha) de ameyo dınya. Dıme ra Anqara de mektebê siyaseti wendo. Eke mekteb wendo, uca fıkrê Kurdıstani pê gırewto u çand hebi embazanê xo de Diyarbekır de serra hezar u newse u hewta u heştıne (1978) de PKK dewa Fisi de (Lıcê) naya ro.

Verê derba Eylulê 1980i veciyayo teberê Tırkiya u şiyo Lubnan u uca ra zi vêrdo ra Suriya. Key ke Suriya de biyo, dewleta Tırkiya waşto ey çand rey bıkışo labelê nêşayo. Dıme ra serra 1998ıne de generalêkê Tırkiya serê sinorê Suriya de Suriya tehdid kerdo u vato, "eke şıma Apo miyanê çend aşman de welatê xo ra nêvecê, ma go şıma de beno ke herb bıkerime." Ayra Suriya mecbur manena, Öcalani vecena teberê welatê xo.

Öcalan verênde şono Yunanıstan, labelê inan o uca ra kerd teber. Vêreno ra, şono Rusya, ê ey uca ra zi vecenê teber. Dıme ra vêreno ra, şono İtalya, labelê İtalya zi nêşena ey miyanê xo de pêgêro. U Öcalan peyniye de şono Kenya. Dıme ra MİT be destekê istıxbaratê Amerika serra 1999ıne, 15ê Sıbati de Öcalan Kenya ra yeno remnayene u ey anê Tırkiya.

Öcalan hukmê cezaya merdene gêno, labelê, oyo ke cezaya merdene Tırkiya de darenê we, cezaya ey çarnenê mıebbed. O wext ra nat adeyê İmralı de mehpuso. Heta serra 2009ıne uca tek mehpus bi, labelê a serre ra tepeya 5 mehpusê bini zi ardi ey het.