Abdullah Öcalan

Wikipediya, ensiklopediya xosere ra
Abdullah Öcalan
Abdullah Öcalan.png
Melumato şexsi
Dewlete Tırkiya
Cınsiyet Camêrd
Cayê biyayışi Ömerli
Biyayış
Wendış Universitey Anqara Fakultey Zanışanê Siyasi û Universitay Anqara
Gure Siyasetkar, nuştekar û activist
Fıkır Partiya Karkeranê Kurdıstani
Zıwani Kurdki û Tırki
Hempar Kesire Yıldırım
Keyepele www.abdullah-ocalan.com


Abdullah Ocalan (Apo) serdarê PKKyo. Tayinan çım de zi yew serekê Kurdan hesebiyeno. 4ê Nisana 1949ıne de dewa Amara, qezaya Xelfeti (Rıha) de ameyo dınya. Dıme ra Anqara de mektebê siyaseti wendo. Eke mekteb wendo, uca fıkrê Kurdıstani pê gırewto û çand hebi embazanê xo de, Diyarbekır de serra hezar û newse û hewta û heştıne (1978) de, PKK dewa Fisi de (Lıcê) naya ro.

Verê derba Eylulê 1980ıne veciyayo teberê Tırkiya û şiyo Lubnan û uca ra zi vêrdo ra Suriya. Key ke Suriya de biyo, dewleta Tırkiya waşto ey çand rey bıkışo, labelê nêşaya. Dıme ra serra 1998ıne de generalêkê Tırkiya serê sinorê Suriya de Suriya tehdid kerda û vato, "eke şıma Apo miyanê çend aşman de welatê xo ra nêvecê, ma do şıma de beno ke herb bıkerime." Aye ra Suriya mecbur manena, Öcalani vecena teberê welati.

Öcalan verênde şono Yunanıstan, labelê inan o uca ra kerd teber. Vêreno ra, şono Rusya, ê ey uca ra zi vecenê teber. Dıme ra vêreno ra, şono İtalya, labelê İtalya zi nêşena ey miyanê xo de pêgêro û Öcalan peyniye de şono Kenya. Dıme ra MİT be destekê istıxbaratê Amerika ra serra 1999ıne de, 15ê Sıbati de Öcalan Kenya ra yeno remnayene û ey anê Tırkiya.

Öcalan hukmê cezaya merdene gêno, labelê oyo ke cezaya merdene Tırkiya de darenê we, cezaya ey çarnenê mıebed. O wext ra nat adeyê İmralı de mehbuso. Heta serra 2009ıne uca tek mehbus bi, labelê a serre ra tepeya 5 mehbusê bini zi ardi ey het.

Siyaset de itıbarê xo[bıvurne | çımeyi bıvurne]

Oyo ke Öcalan hetê dewleta Tırkiya ra dışmenê dewleta seri yeno diyayene, zehfeteniya partiya PKK de ey hewna serokê dê Kurdan vênenê. Labelê teşkilatanê Tırkiya û Kurdıstaniyê çepan de ki mıxtelıf fıkri estê. Tayê ke PKK ra veciyayê, Öcalani hempayê dewleta Tırkan vênenê. Vacime ke, Selim Çürükkaya kıtabê xo Apo'nun Ayetleri de xeylê çi miyan de naye ki vano ke, Öcalani emrê infazê xeylê hevalanê partiye dayo. Parti û teşkilatê çepiyê bini ki ey zehf lom kenê, şanenê kemeran ver.