Mustasım Billah
| Mustasım Billah | |
|---|---|
 | |
| Melumato şexsi | |
| Dewlete | Ebasi |
| Cınsiyet | Camêrd |
| Cayê biyayışi | Beğdad |
| Biyayış | |
| Merdış | (Al-Musta'sim Billah Mosque de merdo) |
| Cayê merdışi | Beğdad(Animal attack û trampling ra merd) |
| Gure | Siyasetkar û Caliph |
| Zıwani | Erebki |
| Hempar | Bab Bachir |
| Maye | Hajir |
| Pi | Al-Mustansir |
| İtıqad | İslam |
Mustasım Billâh (Namê cıyê biyayışi: Ebû Ahmed el-Mûsta`sım bi’l-Lâh `Abd’Allâh bin Mansûr el-Mûstensir; b. 1221, Beğdad - m. 1258, Beğdad) serranê 1242 - 1258 miyan de texti sero mendo, hukımdaro hirıs u hewtıno, hukımdaro Ebasiyano peyêno, xelifeyo peyêno. Mustasım Billah serra 1221ıne (hıcri 690) de piyê xo Mustansır Billah u cariya cı Hajir ra ameyo dınya. Piyê xo Muntasır merdo u Mustasım zi veciyo ro textê Ebasiyan ser. Key ke o vêrdo ra text, Moğolan heta Xorasani ra tayê erdê Ebasiyan vıstê ra xo dest, işğal kerdê. Moğoli be serdariya xo Hulagu ra pay şiyê İraq u paytextê mısılmanan Beğdadi sero.
Çımeyan de vaciyeno Mustasım Billah dewleteidarekerdış ra xeylê dûri biyo, zemanê xo be seydkerdene ra vêrdêne ra. Moğoli zımıstanê serra 1258ıne de ameyê Beğdad. Mustasım Billah Beğdadi pawıtene/şeveknayene rê ordiyê xo xazır nêkerdo. Çınki Mustasım Billahi ra gore Homa Beğdadi sıtar kerdêne, sıtar keno u o do sıtar kero. Moğolan Beğdad işğal kerdo, şarê Beğdadi pêro piya kıştê u keye, bon, kutıbxane, camiye, dare, heywani, camêrd, cêniye, lac, keyna çı esto çı çıniyo pêro kıştê.
Moğolan Mustasım Billah xali ra pışto. Mustasım Billah bınê payanê (lınganê) estoranê eskeranê Moğolan de pelexniyao, encıqniyao u kışiyao.