Marok

	Eno nuşte standardanê Wikipediya ra peyser mendo u mizanê xo rınd niyo! Eno nuşte gani dest ra ravêro u reyna bınusiyo! Tı şenay ma rê desteg bıbe. Qandê destegi, keso ke eno not nuşto tarixê vurnayışi dero u be ey/aye irtıbat kewe.

Dewleti
Desmale Arma
Paytext	Rabat
Bacarê tewr gırdi	Kasablanka
Zıwan	Erebki
Hukmat	Monarşiya Qanuniye
Erd
- Pêro-piya	446,550
- % awe	(%) 0.1
Nıfus
- Pêro-piya	31,478,000
- Sıxletiya nıfusi serê km²	66/km²
Yewiya perey	Dirhem (MAD)
Wareyê saete	0
Kılmkerdışê pela interneti	.ma
Kodê têlefoni	+212

Fas (المغرب) yew dewleta qıta Afrikao. Caê xo mıntıqa ra zımey (şımalê) qıta Afrika dero. Zımey Fasi de Deryao Sıpê (Deryao Miyanên) u İspanya; veroc (cenub) de Moritanya; rocakewtene (rocvetış, şerq) de Cezayir; rocawan (ğerb) de Oyanuso Atlantik estê. Paytextê Fasi suka Rabatio. Fas ezaê Mıletê Yewbiyayey u Yewiya Erebio. Sistemê idarey xo monarşiya qanuniya u Fas de demokrasiye çına.

Tarix

Tarixê Fasi zaf khano. Verende ra merdumê Berberan Fas de ronişte biyê. Feqet bênatey serranê 200 u 800an de İmparatoriya Roma u İmparatoriya Bizansi erdê Fasi işğal kerdo. Seserra 8ine de Emewi Ereban erdê Fasi de hukım kerdo u Berberan pêrune İslamiyet qebul kerdo. Serra 711ine de merdumê Fasi (Emewi Erebi) şiyê İspanya u hetan serra 1492ine İspanya idare kerda. Seserra 19ine de Fransa Fas işğal kerdo u Fas biyo be koloniya/mıstemera Fransa. Eskerê Fransa Fas de zaf terteley kerdê. Serra 1956ine de Fas xo reyno ra, xoser ilan kerdo.

İklim u Suki

İklimê Fas vuriyeno. Rocawanê (ğerbê) Fasi de iklim weşo. Feqet rocvetışê (şerqê) Fasi de hewa zaf germıno; tici zaf erzena. Rocvetışê (şerqê) Fasi de erd çolo. Mıntıqa ra Oyanuso Atlantiki de hewa zaf honıko.

Sukê (Bacarê) Gırdi:

• 1. Kasablanka, Nıfus: 3,5 milyoni
• 2. Rabat, Nıfus: 1,2 milyoni
• 3. Tangier, Nıfus: 669,685
• 4. Agadir, Nıfus: 678,596
• 5. Mohammedia, Nıfus: 188,619

Suka Kasablanka zaf raver şiya. Banê xeylê berzi u binaê ke hetê mimarine de mıkemmel vıraziyaê, estê. Kasablanka bacarê dewizio, paytextê borsao, merkezê İqtısadê Fasio. Suka Rabati merkezê siyasetia.

Xerita Fasi

Nıfus

Nıfusê Fasi 31 milyono. % 90 şarê Fasi rocawanê (ğerbê) Fasi de roniştiyo. % 99 şarê Fasi Ereb u Berberê. Dinê Fasi İslamo; feqet taê İsewiti/Xrıstiyani u Musewi ki estê. Merdumê ğeribi senıkê. Zıwano resmi Erebkiyo; feqet xeylê merdumi Berberki qısey kenê. Nuskar u wendoğê xo zaf niyê.

İqtısad

İqtısadê Fasi qewetın niyo. Endustriye, turizm u maden zaf muhimê. Standardê heyati hewl niyo. Gırdina iqtısadi ra Fas qıta Afrika de ê phancıno; Fas dıma Afrika Cenubi, Mısır, Cezayir u Nicero.

Çımey

• Qralina Fasi