Hong Kong

Wikipediya ra, ensiklopediya xoserı

Hong Kong yew bacarê Çinio. Hong Kong mıntıqa veroc-rocakewtene (rocvetışê, şerqê) dewlet ê Çin dero. Rocakewtena (rocvetışe, şerqe) Hong Kongi de Okyanuso Pasifik esto.

Tedeestey 1 Tarix 2 İklim u Nıfuse 3 İqtısad 4 Çımey

[bıvurne] Tarix

Hong Kong yew bacarê zaf kıhana. Merdumê Ewropa serra 1513. de amey Hong Kong u tıcaret kerd. Şarê Ewropa ipeg u çay merdumanê Hong Kongi ra musaê. Feqet seserra 19. Britanya de qay Convention of Pekingi, hokmatê Çini Hong Kong kira da cı Britanya (1898-1997). Hong Kong işğal kerd, bacar biya koloniye/mıstemera Britanya. Wextê Ceng ê Dınyaê II, Hon Kong işğal Japonyad mend. Esqer ê Japonya zaf terteleyi kerd. Waxte koloniya/mıstemera Britanya, Hong Kong bi merkezê kuras (tekstil) u iqtısadi. Serra 1997. de Britanya Hong Kong peyser da dewleta Çini. Serra 2003. deb nêweşiya SARS iqtısadê Hong Kongi kerd xırabe. Feqet veri boomê iqtısadê Çini hem iqtısad , hem nıfusa Hong Kongi biye zaf gırde.

[bıvurne] İklim u Nıfuse

Erdê Hong Kongi adaanê qıcan ra vıraziyao. Zerrê sindorê Hong Kongi ra 236 adey estê. Iklimê Hong Kongi tropiko. Hong Kong her roc germıno. Erdê xo her daim kheweo (kıhoyo). Ewro nıfusa Hong Kongi 7.0 milyona. Şarê Hong Kongi hem İngilizki, hem Kantonezki qısey keno. Zaf mıxtelıf mılleti tede cıwiyenê: şarê Vietnami, Ewropa, Filipin, Japon, Amerika.

[bıvurne] İqtısad

Hong Kong merkezê iqtısadio. Hong Kong de bına u banê xeylê berzi estê. Borsaê Hong Kongi zaf gırdo. Feqet Hong Kong hem iqtısad, hem kulturê ğerbi ra zaf tesir gırewto. Endustriya turizmi zaf muhima. Hong Kong de zaf şirket u ticaret u bankey estê.

[bıvurne] Çımey

• Resmi Siteyê Hong Kong

	Bacarê Dınya
Amsterdam • Atêna • Berlin • Chicago • Dubai • Estamol • Hong Kong • Houston • Kuala Lumpur • Londra • Los Angeles • Frankfurtê Maini • Madrid • Munix • New York City • Paris • Roma • San Francisco • Shanghai • Sidney • Stockholm • Tehran • Tokyo