Japonya

Wikipediya ra, ensiklopediya xoserı

Japonya yew dewleta. Cayê xo mıntıqa ra rocvetışê (şerqê) Asya dera. Japonya texriben 3.000 gırawan ra yenê pêra (mıteşekkılê). Hokkaido, Honshu, Shikoku u Kyushu gırawê pilê. Rocawanê (ğerbê) Japonya de Çin, Korya Zımeyi, Korya Veroci u dormey xo de Okyanuso Pasifik estê. Paytextê Japonya Tokyoo. Japonya ezaya Mılliyetanê Yewbiyayiyan u G8iya. Sistemê siyaseti xo monarşiyê qanuniyo, feqet yew serwezir hukım keno. Labelê sistemê iqtısadi kapitalizmo. İqtısadê Japonya zaf quwetıno u dınya de dıyino.

Tedeestey 1 Tarix 2 İklim u Suki 3 Nıfus 4 İqtisad 5 Çımey

[bıvurne] Tarix

Verê seserra 20 de Japonya quwetıne nêbiye. Feqet newedariya (dêmdariya) endustri dıma zaf biye quwetıne. Japonya Cengê Dınya Yewine ra galıb veciye u hukım kerd rocvetışê Asya. Wextê Cengê Dınya Dıyine de Japonya biye zaf quwetıne u dewletê zey Çin, Filipin, Korya, İndonezya u Malêzya işqal kerd. Feqet Dewletê Amerikayê Yewbiyayey bombaya atomi eşte Japonya ser u Japonya Cengê Dınya dıyine kerd vini.

[bıvurne] İklim u Suki

İklimê Japonya honıko; zaf şile (varan) varena. Qe sıli ra, erdê Japonya sero kewe u dar zafo. Feqet her serr zelzeley benê.

Bacarê Gırdi:

• 1. Tokyo, Nıfus: 12.200.000
• 2. Osaka, Nıfus: 2,629,252
• 3. Nagoya, Nıfus: 2,190,549
• 4. Kobe, Nıfus: 1,521,164
• 5. Kyoto, Nıfus: 1,473,068

Bacarê Tokyoy zaf raver şiya, tede bina u banê xeylê berzi estê. Tokyo bacarê dewiziyo, paytextê borsayo, merkezê iqtısadê Japonya u Asyayo. Japonya de xeylê şırketê teknoloci u iqtısadi estê.

[bıvurne] Nıfus

Nıfusê şarê Japonya 127 milyono. Mıxtelıf mılleti tede estê: Çinıci, Koreyıci, Taiwanıci. Feqet nıfusê Japonya her serre beno şenık. Gore vatena merdumê ilmê cemaeti, serra 2100 de nıfusê Japonya beno 60 milyon. Dinê Japonya Shintoizm u Budaizmo. Zıwanê resmi Japonkiyo.

[bıvurne] İqtisad

İqtısadê Japonya zaf gırdo. Dınya de dıyino. Endustriya teknoloci u komputeri zaf be kalitewa. Japonya xeylê wesıtan (otomobilan) vecena. Mitsubishi, Toyota u Honda firmeyê Japonyayê. İdxalatê (eksport) Japonya zafo. Ser idxalatê (eksport) Japonya zaf biyo dewlemend.

[bıvurne] Çımey

• Sitey Dewletê Japonya

Dewletê Asya

Azerbaycan • Bahreyn • Bengladeş • Bruney • Butan • Çin • Efğanıstan • Erebıstanê Seudi • Ermenıstan • Filipin • Gurcıstan • Hindıstan • Japonya • Iraq • İndonezya • İran • İsrail • Kamboçya • Korya Veroci • Korya Zımey • Kuweyt • Laos • Lubnan • Maldiv • Malêzya • Mısır • Moğolıstan • Myanmar (Birmanya /Burma) • Nepal • Ozbekıstan • Pakıstan • Qazaxıstan • Qeter • Qıbrıs • Qırğızıstan • Rusya (Urusya) • Singapur • Sri Lanka • Suriya • Tacikıstan • Tayland • Taywan • Timurê Rocvetışi • Tırkiya • Tırkmenıstan • Umman • Urdun • Vietnam • Yemen • Yewina Emiranê Erebi