Êrışê Parisi 2015

Wikipediya ra ensiklopediya xosere
Jump to: şiyayış, Cı geyre
Paris de cayê basqınan

Êrışê Parisi namê êrışiê ke teroristan Paris de vıraştê. Tışronê Peyên 13 de sat 21:16 de êrışi sıfte kerdê u Paris de mıntıqanê yewıne, dıyıne, des u yewıne u Stadyumê Fransa hedefê êrışan vıraziyayê. Hukmatê Fransa akerdenayış kerdo ke Tiyatroyê Bataclani de basqınê rehıngırewtışi vıraziyayo, dormey paytext Paris de tewr senık şeş (6) basqınê çekdari u hirê (3) êrışê bombayıni vıraziyayê.

Êrışan de de tewr kemi se u şeşti ra zêde merdumi merdê hama amorê vınibiyayeyan hıma tam nêzaniyeno. Be saeta lokale 23:58 de serecumhurê Fransa François Hollande akerdenayışê xo çap kerdo ke pêro Fransa de halê serêtebii ilan keriyayo u hukmat heme hıdudanê Fransa padayê.

Basqıni[bıvırne | çımey bıvırne]

Basqınê Le Petit Cambodgei[bıvırne | çımey bıvırne]

Êrış, mıntıqa Parisia 10ıne de, restorano ke namê cı Le Petit Cambodgeio de u rocvetışê Parisi de mıntıqa 11ıne de tiyatroyo ke namê cı Bataclano de salonê xo de vıraziyayo. Tiyatroyê Bataclani tewr kemi se (100) u êrışê ke mıntıqanê bini de vıraziyayê de zi tewr kemi çewres (40) teni weşiya xo vıni kerda.

Basqınê Le Carillono[bıvırne | çımey bıvırne]

Mıntıqa Parisia 10ıne de restoran esto ke namê cı Petit Cambodgeio (yanê "Kamboçyaya Qıtek") de êrış vıraziyayo ke naca de çehar teni merdê. Teroristi, ê bini baro ke kanalê Saint - Martin ra nezdiyo u namê cı Le Carillono de zi merduman sero adır kerdo. Gorey ajansê xeberi Associated Press ra polisi vatê ke restoran de des u yew (11) teni weşiya xo vıni kerdo.

Êrışê Stade de Francei[bıvırne | çımey bıvırne]

Stadyumê Fransa ra nezdi yew bar de êrışo bin vıraziyayo, naca de zi tewr kemi des teni merdê.


Basqın u êrışan ra dıma[bıvırne | çımey bıvırne]

Organizasyono terorist Dewleta İslami İraq u Şam de pêro êrış u basqınan xo sero gırewtê. Hesabê teroristanê Dewleta İslami, medyaya sosyale de payênayışan kerdê. Militanê terorosti vatê ke ê êrış u basqınan semedê Suriya kerdê.