Hotel Rwanda

Wikipediya, ensiklopediya xosere ra
Xıl de be pusula Xıl de cıgeyrayışi
Hotel Rwanda
Afiş
Hotel Rwanda film.jpg
Şınasiye
Tewrê filmi Filmê drama (en) u biographical film (en)
Zıwan İngılızki
Dewlete Afrikaya Veroci
Mewzuyo esas Ruanda dı mılet kıştenı
Demê vetışi 2004, 18 Adare 2005, 7 Nisane 2005
Direktor Terry George
Senarist Terry George u Keir Pearson (en)
Kaykeri Don Cheadle, Sophie Okonedo (en), Joaquin Phoenix (en), Nick Nolte (en), David O'Hara (en), Jean Reno (en), Cara Seymour (en), Hakeem Kae-Kazim (en), Fana Mokoena (en) u Lebogang Mashile (en)
Editor Naomi Geraghty (en)
Vıraştoğ Terry George
Distributor Metro-Goldwyn-Mayer (en)
Domnayış 121 Deqiqe



Hotel Rwanda, Terteleyê Rwanda sero yew filmê dramiyo. Film serra 2004 de hetê rejisor Terry George ra u hetê firmayanê çar dewletan (Afrikaya Veroci, Kanada[Çıme bımocne], Britanya u İtalya) ra piya ameyo antene. Serrolê filmi de Don Cheadle kay keno. Rejisorê filmi Terry George, A. Kitman Ho ra piya vıraştoğê nê filmiyê. Antışê filmi de, tayê sehneyi paytextê Rwanda Kigali de, zafê sehneyan ki Afrikay Veroci de ameyê antene.

Rwanda de serra 1994 de mabênê şaranê Hutu u Tutsiyan de cengo etnik veciyayo. Nê cengi de, miyanê 3 aşman de, nezdiyê 800.000 Tutsi hetê dewleta Rwanda u milısanê Hutuyan ra be dari u torzênan ameyê qırr kerdene, u terteleyo gırd u wahşi ameyo meydan. Film, nê terteley be hikayeyanê raşti ano verê çıman. Wexto ke film yeno seyrkerdış, astıkanê insani de gonia insani cemediyena. Film de, Paul Rusesabagina yo ke mudırê otelê Hôtel des Mille Collinesio u eslê xo Hutuyo, hikayeya ey ameya antış. Nê merdumi, otela xo de 1300 kesê ke eslê inan zafane Tutsi yo, heyata inan xelesnaya.

Senaryo[bıvurne | çımeyi bıvurne]

Paul Rusesabagina yew Hutuyo, mudirê otelê Hôtel des Mille Collinesio. Cênıka ey yew Tutsiya. Wexto ke tertele dest pêkeno, Paul her çira veri wazeno ke keyeyê xo raxelesno, labelê wicdanê ey rehet nêkeno u badêna destê ey ra çıqas ke ame, eke imkan beno wazeno ke dormeyê xo de Tutsi u Hutu'yanê multeciyan ki raxelesno. Raver, mulxıt u domananê keyeyê xo u cirananê xo beno otel. Badêna xeylê Tutsi u Hutuyê ke cengi ver ra remenê, inan ki gêno otelê xo. Otel beno zey kampê multeciyan. Heto bin ra idarekaranê dewlete de u tayê merdumanê muhiman de tekildariya Pauli esta. Paul na tekildariye çarneno fırsend u xeyrê na tekildariye ra, heyatê 1300 insanan sevekneno u peyniye de heyatê inan raxelesneno. Peyniya filmi de, multeciyê ke otela Pauli derê, cênik u domanê Pauli u be xo pêro piya remenê hetê isyankaranê Tutsiyan, uca de yew kamp de manenê, çımki uca hetê asayişi tayêna rınd o u tehluke tayêna şenık o. Peyniye de, nê multeci u keyeyê Pauli vêrenê ra hetê Tanzanya u heyatê xo raxelesnenê. Dıma film qediyeno.


Film de teyna na hikayeya corêne nê, Terteleyê Rwanda sero zewbina xeylê detayê bini ki yenê verê çıman. Mesela, wexto ke no tertele biyo dewletanê rocawani tertele seyr kerdo u qet mudaxale nêkerdo. Mılletê Yewbiyayey u eskerê dewletanê rocawani, terteleyi rê qet mudaxale nêkenê. Heto bin ra gûya dewletê Rocawan u Ewropa eskeran rusnenê Rwanda, la nê eskeri tenya merdumanê sıpiyan u hemwelatıcanê xo seveknenê u Rwanda ra taxliye kenê, peyniye de eskerê Rocawani be xo anciyenê u tertele dewam keno. Ancina, Fransa peşti dana hukmatê Rwanda yê goniweri, u terteleyi de het gêna pê (tepışena).

Tesirê filmi[bıvurne | çımeyi bıvurne]

  • Film ra dıma Terteleyê Rwanda hetê dinya ra ame zanayiş. Çımki xebera dinya nê terteleyi ra zaf çinê biye.
  • Paul Rusesabagina dinya de bi namdar, qehramaniye ey sero xeylê xeberi veciyay, kıtabi nusiyay. Ey, xeylê organizasyon u dewletan ra xelati u nişani gırewti.
  • Film, IMDB [Internet Movie Database] de miyanê filmanê "Top 250" der o. Puanê filmi "8.2/10" o.
  • Film, 3 qısıman de "Senaryoyo tewr xas", "Aktoro tewr rınd", "Aktrisa ardımkare ya tewr rınde" de biyo namzedê Oscari.
  • Hetê xeylê otoriteyanê sinema ra "Filmê serra 2004ine yo Tewr Rınd" ilan biyo.

Kaykeri[bıvurne | çımeyi bıvurne]

Bıewnên[bıvurne | çımeyi bıvurne]

Wendışê averi[bıvurne | çımeyi bıvurne]

  • Xetay lua: unknown error.
  • Xetay lua: unknown error.
  • Xetay lua: unknown error.
  • Xetay lua: unknown error.
  • Xetay lua: unknown error.
  • Xetay lua: unknown error.
  • Xetay lua: unknown error.
  • Xetay lua: unknown error.
  • Xetay lua: unknown error.
  • Xetay lua: unknown error.
  • Xetay lua: unknown error.
  • Xetay lua: unknown error.
  • Xetay lua: unknown error.
  • Xetay lua: unknown error.
  • Xetay lua: unknown error.
  • Xetay lua: unknown error.
  • Xetay lua: unknown error.
  • Xetay lua: unknown error.

Linkê teberi[bıvurne | çımeyi bıvurne]