Afrikay Veroci

Wikipediya ra ensiklopediya xosere
Jump to: şiyayış, Cı geyre
Afrikay Veroci
Suid-Afrika
Desmal û Arma
Flag of South Africa.svg Coat of arms of South Africa.png
Xerita
LocationSouthAfrica.png
Şınasiye
Zıwan İngılızki, Afrikanki
Paytext Cape Town
Sûka tewr gırde Johannesburg
Cıwiyayış
Şar Afrika Verociyıc
Hıkumet Demokrasiya Parlamentere
Din Xıristiyaniye, Mısılmaniye
Erd 1,221,037
Nıfuso texminki 47,432,000
Sıxletiye 39
Ekonomiye
Pere Rand
Kodê perey ZAR
Cayge
Wext +2
İnternet .za
Kodê têlefoni 27

Afrikay Veroci mıntıqa ra verocê (cenubê) qıta Afrika dera. Zımeyê (Şımalê) Afrikay Veroci de Namibya, Botswana u Zimbabwe; veroc (cenub) de Okyanuso Hind; (rocvetış, şerq) de Swaziland u Mozambik; rocawan (ğerb) de Okyanuso Atlantik estê. Dewleta Lesothoy sinorê Afrikay Veroci miyan de ronayiya. Paytextê Afrikay Veroci Johannesburgo. Afrikay Veroci ezaa Mıletê Yewbiyayey u Yewiya Afrikawa. Sistemê idareyê siyasetê xo demokrasiya.

Tarix[bıvurne | Çımey bıvırnê]

Verênde ra eşirê Zenciyan Afrikay Veroci de cıwiyêne. Serra 1652ıne de Jan van Riebeecki (yew Hollandıc) Afrikay Veroci keşf kerda u Afrikay Veroci biya koloniya/mıstemera Hollanda. Peyniye de zaf şarê Hollanda şiyo Afrikay Veroci. Labelê serra 1797ıne de Britanya Gırde Afrikay Veroci işğal kerda u Afrikay Veroci biya koloniya/mıstemera Britanyaya Gırde. Serra 1866ıne de merdumê Afrikay Veroci zern u kristali diy u Afrikay Veroci biya yew merkezê mıhaciran. Serra 1861ıne de Afrikay Veroci xo reynao ra, xoser ilan kerdo.

İklım u sûki[bıvurne | Çımey bıvırnê]

Seba ke erdê Afrikay Veroci zaf hera u gırdo, iklım u hewayê xo zaf vuriyeno. Verocê (cenubê) Afrikay Veroci honıko; labelê zımeyê xo zaf germıno. Tede çoli ki zaf estê.

Sûkê (Bacarê) gırdi:

Sûka Johannesburgi zaf raver şiya. Tede bina u banê xeylê berzi estê. Johannesburg bacarê dewizi u merkezê iqtısadê Afrika Verocio. Cape Town merkezê siyasetio.

Xerita Afrikaya Veroci

Nıfus[bıvurne | Çımey bıvırnê]

Nıfusê Afrikay Veroci 47 milyono. Zaf mıxtelıf mılleti tede cıwiyenê; şarê Ewropa, Afrika, Asya tede zafê. Mabênê Sıpê u Zenciyan, riyê siyaseti ra seba cêrakerdışê verêni ra serdıno. Derd u qehrê weşiya Zenciyan gıranêro. Labelê heyatê Zenciyan her roc beno hewl.

Dinê Afrikay Veroci Xrıstiyanina. Afrikay Veroci de zaf zıwani qesey benê: İngılızki, Afrikanki, Ndebele, Sothoyê Zımey, Sothoyê Veroci, Swati, Tsonga, Tswana, Venda, Xhosa u Zulu. Nuskar u wendoğê xo senıkê. Seba /Semedê nêweşiya HIV/AIDS ra zaf merdumê Afrikaya Veroci merdi.

İqtısad[bıvurne | Çımey bıvırnê]

İqtısadê Afrikay Veroci ne zaf qewetıno, ne ki zaf hewlo. Mıntıqeyê Zenciyan zaf peyser mendê. Zaf merdumê Zenciyan sindorê feqirine de cıwiyenê; standardê heyati nızmo. Labelê heyatê Sıpêyan zaf hewlo. Endustriya iqtisad u enerciye zaf raver şiya.

Çımey[bıvurne | Çımey bıvırnê]