Norm Ender

Wikipediya, ensiklopediya xosere ra
Xıl de be pusula Xıl de cıgeyrayışi
Norm Ender
Norm Ender.jpg
Melumato şexsi
Dewlete Tırkiya
Cınsiyet Camêrd
Cay biyayışi Bornova
Biyayış
Gure Nuştekar (en) u bestekar (en)
Zıwani Tırki
Cınayış Vokal (d)


Ender Eroğlu ya zi nameo namdaro ke ra şınasiyeno Norm Ender, (b. 25 Adar 1985, İzmir) rappero Tırko.

Biyografiya cı[bıvurne | çımeyi bıvurne]

Ey serra xoya desıne (10) de gruba muziki Carteli ra muzikê rapi şınasio,[1] cokao ke tım pêro daêne, heyatê wendışê xo lise de verdao. Serra 2001i de yew deyırê rapi gırewto qeleme u nezdiyanê ey deyirê eyê rapi zaf sinao. Wıni zi ey başle kerd deyranê rapi vırazo, bınuşo. Serra 2004i de kewto yew programê têvereştışê muziki 'Akademi Türkiye' ke kanalê têlevizyoni atv de pıhêl biyêne.

Ey suka İzmiri de bilxasa qezay Bornova de disko de deyırê rapi vatê. Veyn dao ey ke bêro Estanbol, muzikê foni vırazo programê Akademi Türkiye de. Programê Akademi Türkiye de ey ra waşto ke muzikê popi vaco, bıwano. Ey waştışê programi red kerdo, pêro dao, programi ra abırriyao, ageyrao İzmir. Dıma zi zaf qario, yew deyır be namey 'Rap Dersi' gırewto qeleme. [2]Yew zi programê Oktay Kaynarca ke Herşey Dahil name kerdo de nê mewzuy sero deyırê do bin, deyırê ey 'En Çekici Manken' vato.[3] O wext ey pê Erman Altınoğlu gırwêyene, grube kerdêne. Coka ê be namanê Ender & Erman ya zi Erman & Ender şınasiyêne. İnan deyırê xo Eksik Etek de zi no name gırweo. Ender ke şiyo eskeriya, ageyrayışê xo ra tepeya serra 2010i de yew albumê rapio solo vıraşto u veto. Nê albumi ra deyırê Çıktık Yine Yollara rê klip anto. Serra 2012 se zi vato ke albumê do newe veceno. Ey sûkanê zey İzmir, Anqara u Diyarbekır de albumê xo şınasnao, konseri kerdê. Key ke ey başle kerdo tek be xo bıgırwo, tek teyna be namey Norm Enderi name biyo.

Norm Ender, be deyırê xo "Eksik Etek" ke kıfıri tey estê, zewt keno ra şınasiyao medya sosyale de. Deyırê ey rocê de dı u nêm (2,5) milyoni, aşmê de zi çewres (40) milyon merdım anto youtube, merdıman klibê ey ewnao. Wıni zi Norm Ender serra 2006 de kewt muzisyenanê tewr zêde goşdarbiyaeyan miyan, kewt lisa be numrê 17.[4] Vaciyao ke vatenê nê deyırê ey dışmêniya cêniyan keno u cınsiyetan yewbini ra abırrneno, yani seksisto. Deyırê ey biyo hedefê kritikan. [5]

Veciyayışê albumê Norm Enderi verên ra tepeya bol kanalanê têlevizyoni de roportaci amey kerdış be ey.[6][7] Ender ke yew sure muzikê rapi verdao, serra 2017i de be etiketê EMI-Universal Müzik Türkiye reyna albumê do bin veto.

Serra 2019i de o be deyırê do newe ageyrao, deyırê Mekanın Sahibi (Wayirê Mekani) veto. Ey be nê deyırê xo rapperê Tırkê bini zey Ben Fero u Ezhel kritik kerdê, ê 'tûti/pıti' name kerdê. Ey deyrê xo de rapperê newê ke muzikê rapi kenê têmiyan be melodiyanê DAY kritik kerdê. Deyırê xo de vano ke wayirê mekani ageyra, pıtan pisti ra bıgêrim, bıgêrim.[8]

Diskografiya cı[bıvurne | çımeyi bıvurne]

Albumi[bıvurne | çımeyi bıvurne]

Serre Album Detayi
2010 Enderground Albumê eyo bınê erdio (undergroundo) verêno.
2010 İçinde Patlar Yew video "İçinde Patlar" rê vıraziyao 2010 de. Peyê nê videyo ra "Çıktık Yine Yollara" veciyao 2017 de.
2017 Aura EMIy veto.

Videoy[bıvurne | çımeyi bıvurne]

  • 2002 – Kinim
  • 2007 – Tekir
  • 2010 – İçinde Patlar (Remix)
  • 2011 – Çıktık Yine Yollara
  • 2017 – Deli
  • 2017 – Kaktüs
  • 2019 – Mekanın Sahibi

Referansi[bıvurne | çımeyi bıvurne]

Linkê teberi[bıvurne | çımeyi bıvurne]