Orhan Veli Kanık
| Orhan Veli Kanık | |
|---|---|
 | |
| Melumato şexsi | |
| Dewlete | Tırkiya |
| Cınsiyet | Camêrd |
| Cayê biyayışi | Estanbol |
| Biyayış | |
| Merdış | (Aşiyan Asri Cemetery de merdo) |
| Cayê merdışi | Estanbol(Intracranial aneurysm ra merd) |
| Wendış | Listey Galatasaray, Universıtey Estanboli û Ankara Atatürk Lisesi |
| Gure | Şair û nuştekar |
| Zıwani | Tırki û Fransızki |
| İmza |
 |
Orhan Veli Kanık (b. 1914, Estanbol İmperatoriya Usmanıcan; m. 1950, Estanbol, Tırkiya) ya zi tek pê namey Orhan Veli zi şınasiyeno, yew şairo Tırk bi. Ey pê embazanê xo Melih Cevdet u Oktay Rifati şıirê Tırki dest ra viyarnao, yew nuştışo newe vıraşto. Ey waşto ke zerre u rıçıkê şıirê Tırki bıvurno, caê xo ra bıwerzo u çiyê do bin de kero. Veli hirıs u şeş serri weşiya xo ramıta, teberê şıiran de heyatê xo de hêkati, meqaley, tadayışi (çarnayışi) u essayi nuştê.
Veliy waşto (qandê, seba) yew zihniyeto newe vırazo, şıiro newe biyaro edebiyatê Tırki peymıtışê eruzi nêguriyo, pê heca nênuşto. Ey fıkır kerdo ke qafiya kıhano, gani senatê teşbih u mubala mebê. Cokao ke zemano verên de nuştekaran çı kerdo, çı mısnao gani bıerziyo. Teknikê zıwani eşto, zıwano sade guriyo, zıwano ke merdımi teber de gurenê kerdo nezdiyê zıwanê şıirê xo. Serra 1941i de pê embazanê xo yew kıtabê şıir veto pê namey Garibi (Ğeribi) u ornagê enê zihniyetê xo çap kerdê şıirê xo de, aniya zi zihniyetê Ğeribi zao. Eno zihhiyet miyanê serranê 1940-1950 de şıirê zemanê Cumhuriyeti gırewto bınê tesirê xo. Ğeribi hem şıiro kıhan rıcnao, hem zi şıiro newe vıraşto, cokao zi şıirê Tırki de caê xo ciyao.
Çiyê newê ke Kanıki ardê şıirê Tırki, zaf werêneyaşi sero kerdê, reyo verên de merdıman nêsinao (hes nêkerdo) u kerdo cêr. Verên de şairan şıirê Kanıki kerdo teberi, hama dıma inan zi başle kerdo şıirê ey hes kerdo u game be game biy heyranê ey.
Bibliyografiya cı
[bıvurne | çımeyi bıvurne]Kıtabê şıiri
- Garip (1941, Matbea Aşma Resmının - Resimli Ay Matbaası)
- Vazgeçemediğim (1945, Çapxaney Marmara)
- Destan Gibi (1946, Çapxaney Ölmez Eserleri)
- Yenisi (1947, Çapxaney İnkılâpi)
- Karşı (1949, Çapxane u Rocnamekeriya Güney Matbaacılık)
- Bütün Şiirleri (1951, Çapxaney Varlıki)
Hêkati
- Hoşgör Köftecisi (2012, Çapê Yapı Kredi)
Hêkat/Şıiri
- Nasreddin Hoca Hikâyeleri (1949, Çapxaney Doğan Kardeşi)
Nuştey
- Nesir Yazıları (1953, Çapxaney Varlıki)
- Edebiyat Dünyamız (1975, Çapxaney Bilgi. Kami ke amade kerdo: Asım Bezirci)
- Bütün Yazıları (1982, Çapxaney Cani)
Mektubi
- Yalnız Seni Arıyorum (2014, Çapê Yapı Kredi)