Pali

Pali
Melumat
Tewr	Qezey Tırkiya û Qeze
Dewlete	Tırkiya
Wılayet	Wılayetê Xarpêti
Nıfus	23 834
Seate	UTC+03.00
Poste	23500
Geokod	8631570
Wikidata sera bıvurne

Pali (be Usmanıcki: پالو, be Tırki: Palu) yew qezay Xarpêtia. Cayê xo rocakewtena wılayetê Xarpêti dero. Pali Xarpêt ra 70 km dûrio.

Tarixê Pali

Wextê İmperatoriya Usmanıcan de, gorey vatena verênan ra 70 hezar bani û nezdiyê 600 teney dewê Pali est biyê. Feqet Çolig, Darê Hêni û Piran cı ra bırriyaê a û Pali vera ver biyo qıckek.

Verê İmperatoriya Usmanıcan be heta wextê Cumhuriyeti, Paliyo kehan Mahla Serêbazari (Tırki: Çarşıbaşı) dı ronae bi. Feqet yew roce, yew adırgırewtene Mehlaz Serêbazari kerda xırabe û ey ra tepeya qısmê bazar'io gırd vêşa. Dıma adırgırewtene, Pali serra 1928ıne de rocawanê Kelay Pali de mıntıqaya Zeve (Paliyê Cori) de ca dao xo. Heta yew wext qezay Pali ena mıntıqa de manena. Naca de serra 1954ıne de jû şewe de yew bûmlerz (erdlerz) qezay Pali keno xırabe. Bûmlerz ra pey Pali caê xo mıntıqaya Talabi de verê Awka Muradi de gêno.

O wext 360 ra vêşi dewê Pali mendi biy. Peyniye de Qeze bırriya a û Siwan wılayetê Çoligi ra.gırê diya .Pali xeylê biyo qıc. Nae ra tepeya nezdiyê 150 dewanê Pali mendê. Tewr peyniye de Qowanciyan û Mêrun bırriya a û Ğuleman bi qeza û çendae dewi zi nay ro Ğuleman ser. Nıka Pali de 36 dewi mendê.

Nıfus

Nıka merkezê Pali de 8.500 merdum cıwiyeno. Beldey Beyhani de 7728 û beldey Baltaşı de 2.037 merdum cıwiyenê. Pê dewan nıfusê Pali pêro-piya 30.558o. Şarê Pali nezdiyê pêrıne Zazayo, taê dewê Kurdan ki estê. Şarkıştene ra aver dewê Ermeniyan ki zehf biyê. Pali de Zazakiyê Merkezi, fekê Pali-Çoligi qısey beno.

Dewê Pali

• Zuver
• Kurdikan (Gümüşkaynak)
• Xaraba (Örencik, Arsamosata, Arşamaşad)
• Xamil (Kayaönü)
• Nacaran (Baltaşı Beldesi)
• Tırxa (Keklikdere)
• Buban (Bozçanak)
• Alkatyan (Karasalkım)
• Tilk (Gömeçbağlar)
• Herpünk (Üçdeğirmenler)
• Seydili (Seydili)
• Mehman (Akyürek)
• Kadiyan (Karataş)
• Bestek (Esenkavak) nahiyeyê Çaybağıy -> x
• Vank (Yeşilbayır)
• Kasır
• Argat (Yarımtepe)
• Caro (Karacabağ)
  • Taştak (Taştak Mahallesi)
• Hacı Kil (Umutkaya)
• Kêvenk/Keyvenk (Örgülü)
• Tarhana (Tarhana) nahiyeyê Arıcaki
• Sığam (Andılar)
• Abbasan (Damlapınar)
• Şeyxmiran (Altınölçek)
• Hün (Beyhanı Beldesi)
• Seraçor (Güllüce)
• Kiliban (Köklüce) nahiyeyê Gökderey
• Lekic (Arındık)
• Xasbeğ (Hasbey)
• Erdürek (Gökdere) nahiyeyê Gökderey
• Hünekrek (Burgudere)
• Parsiyani Kebir (Kırkbulak) nahiyeyê Gökderey
• Tüy (Bölükelma) nahiyeyê Gökderey
• Küçük Xaylan (Küçükçaltı) nahiyeyê Gökderey
• Ziver Kebir û Sağir (Akbulut) nahiyeyê Gökderey
• Büyük Xaylan (Büyükçaltı) nahiyeyê Gökderey
• Zoğpa (Beydoğan) nahiyeyê Gökderey
• Atik (Atik) nahiyeyê Gökderey
• Ğaydimem (Gemtepe) nahiyeyê Gökderey

Namdarê Pali

• Harun Turgut

Çımey

• Belediyay Pali Archived 2010-02-23 at the Wayback Machine